"Roma Papası dedi ki, mənim üçün dua edin" - Allahşükür Paşazadə
“Bizim ikili görüşümüzdə xəstəliyi haqqında danışanda dedim ki, “dua edərik” . Belə sözlər oldu. Sonra məni yola salanda qapıya qədər gəldi. O, heç vaxt qapıya qədər gəlib yola salmır. Axırıncı sözü bu oldu ki, Şeyx həzrətləri, siz mənim üçün dua edin”.
Ölkə.Az xəbər verir ki, bu sözləri Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə Mir Şahin Ağayevə müsahibəsində Roma Papası Fransisklə görüşü barədə danışarkən deyib.
O, jurnalistin “dua edəcəksinizmi” sualına “inşallah” deyə cavab verib.
Qeyd edək ki, Roma Papası bir müddət əvvəl əməliyyat olunub. Bu, Roma Papasının əməliyyatdan sonra din xadimləri ilə ilk rəsmi görüşüdür.
Billurə Yunus
