Fransada kütləvi dava - ölən və yaralananlar var
Fransanın cənub-qərbindəki Tarbes şəhərində 150 baykerin iştirak etdiyi kütləvi davada 1 nəfər ölüb, daha 2 nəfər bıçaq xəsarət alıb.
"Ölkə.az" xarici KİV-ə istinadən xəbər verir ki, hadisə musiqi, döymə sərgisi və poker turnirinin yer aldığı Amerika Salon Festivalının keçirildiyi Sərgi Parkında baş verib.
Kütləvi davanın səbəbləri hələlik məlum deyil.
Hüquq-mühafizə orqanları dava zamanı insanlara xəsarət yetirən şəxsin axtarışına başlayıb.
Tarba şəhərinin meri Qerard Tremeje festivalın dərhal dayandırılmasını əmr edib və iştirakçıların evlərinə qayıtmasını tələb edib.
