Koronavirusa qarşı iksir tapdığını deyən şəxs yoluxaraq öldü - FOTO
İnsanları koronavirusdan qoruyacaq iksir hazırladığını deyən şəxs koronavirusdan ölüb.
Ölkə.Az xarici KİV-ə istinadla xəbər verir ki, Şri-Lankada yaşayan Eliyanda Vayt adlı hindu falçı koronavirus iksirinin reseptini yuxusunda gördüyünü deyib. O bu iksirin ölkədəki çaylara töküldüyü təqdirdə Şri-Lankada və qonşu Hindistanda pandemiyanın bitəcəyini idda edirdi.
Bir çox tanınmış şəxsləri müalicə etdiyini deyərək şöhrət qazanan 48 yaşlı şaman koronavirusdan dünyasını dəyişib.
Bu ölkənin baş naziri Mahinda Rajapaksa da vaxtilə onu müalicə edən şaman üçün başsağlığı mesajı yayımlayıb.
Qeyd edək ki, Şri-Lankanın sabiq səhiyyə naziri Pavitra Vaniaraççi də sözügedən iksiri tərifləmişdi.
“Delta” ştammının geniş yayıldığı Şri-Lankada ümumilikdə 500 min nəfər koronavirusa yoluxub, 12 min nəfər bu xəstəlikdən ölüb.
Billurə Yunus
