İngiltərə kraliçası xəstəxanalıq oldu

İngiltərə kraliçası II Elizabet xəstəxanaya aparılıb.

Ölkə.Az xarici KİV-ə istinadla xəbər verir ki, bu barədə Bukinqem sarayı məlumat yayıb.

“Kraliça bir neçə gün dincəlmək üçün tibbi tövsiyələrdən sonra çərşənbə günü günortadan sonra bəzi ilkin müayinələr üçün xəstəxanaya gedib. Cümə axşamı günorta saatlarında Vindsor qalasına qayıdıb və əhval - ruhiyyəsi yaxşıdır" - açıqlamada bildirilib.
95 yaşlı kraliçanın xəstəxanaya getməsi gizlədilsə də “The Sun” qəzetinin məlumaty yaymasından sonra saray açıqlama verməyə məcbur qalıb. 

Qeyd edək ki, II Elizabet sonuncu dəfə 8 il əvvəl – 2013-cü ildə mədə-bağırsaq problemlərindən dolayı gecəni xəstəxanada keçirməli olmuşdu.

Billurə