Peskov: \"Ən azından Putin bu formatı bəyəndi\"

Kremlin sözçüsü Dmitri Peskov Rusiya Prezidenti Vladimir Putinlə ABŞ Prezidenti Co Bayden arasında danışıqların formatını bəyəndiyini bildirib.

Ölkə.Az "star" qəzetinə istinadla xəbər verir ki, Putinin dünən Baydenlə videokonfrans vasitəsilə görüşdüyünü xatırladan Peskov, "Əslində bu görüş formatı çox açıq söhbətə imkan verir. Ən azından Putin bu formatı bəyəndi"- deyib.

O, yeni görüş tarixinin dəqiq olmadığını bildirib:

"İki prezident gələcəkdə Rusiya və ABŞ nümayəndələrinin təmaslarından sonra yenidən görüşmək zərurətindən danışdılar. Ancaq nə vaxt olacağı sualına cavab vermək mümkün deyil. Bu görüş baş tutacaq”. 

Rusiya və ABŞ nümayəndələrinin Avropada strateji sabitlik məsələsinin müzakirə edəcəyi tarixin müəyyən edilmədiyini qeyd edən Peskov iki liderin görüşün ən qısa zamanda keçirilməsinin vacibliyini vurğulayıb.

Billurə Yunus