Rusiya siyasətçi Navalnını terrorçular siyahısına salıb

Rusiyalı dissident Aleksey Navalnı Rusiyada terrorizm və ekstremizmlə əlaqəsi olan şəxslər siyahısına daxil edilib.

“Ölkə.Az” “haber7”yə istinadən xəbər verir ki, Navalnının adı Rusiyanın Federal Maliyyə Monitorinqi Xidmətinin dərc etdiyi siyahıda ölkədə terrorizm və ekstremizmlə əlaqəsi olduğu iddia edilən şəxslər və qurumlar haqqında məlumatlar yer alıb.

Siyahıya rusiyalı dissident Aleksey Navalnı da daxildir və Navalnı ilə birgə fəaliyyət göstərdiyi məlum olan başqa müxalifətçilər də var.

Rusiya İstintaq Komitəsi 2021-ci il oktyabrın 20-də Navalnıya qarşı “ekstremist icma yaradaraq ona rəhbərlik etdiyi” əsası ilə istintaqa başladığını bildirib.

Mürtəza
Ölkə.Az