Bayden bəyan etdi: “ABŞ ordusu yoldadır”

ABŞ prezidenti Bayden Ukrayna ilə Rusiya arasındakı gərginlikdən danışarkən bəyan edib ki, tezliklə ABŞ ordusu Şərqi Avropaya göndəriləcək.

“Ölkə.Az” “haber7”yə istinadən xəbər verir ki, Bayden Pittsburq şəhərinə səfərindən sonra Vaşinqtona qayıdarkən jurnalistlərə Ukrayna-Rusiya  sərhədindəki gərginliklə bağlı açıqlama verib.

Jurnalistin “ABŞ qoşunlarını Şərqi Avropaya nə vaxt göndərəcəyinizə qərar verdinizmi?” sualına cavab olaraq Bayden bunu deyib: 

“Mən tezliklə Şərqi Avropadakı NATO ölkələrinə ABŞ əsgərlərini göndərəcəyəm”. 

ABŞ Müdafiə Nazirliyinin (Pentaqon) sözçüsü Con Kirbi yanvarın 24-də bildirib ki, Ukrayna böhranında gözlənilməz vəziyyətlərə qarşı NATO Cavab Qüvvələrinin işə salınacağı təqdirdə 8500 əsgər dəstək vermək üçün hazır vəziyyətdədir.

Mürtəza
Ölkə.Az