Boris Conson Rusiyanın geri addım atması üçün Putinlə danışacaq

Byük Britaniyanın baş naziri Boris Conson Rusiya prezidenti Vladimir Putinlə telefonla  danışacaq.

“Ölkə.Az” xəbər verir ki, bu barədə Britaniya hökumət başçısının mətbuat xidməti bildirib.

“Baş nazir Avropada qan tökülməsinin qarşısını almaq üçün diplomatik səyləri gücləndirmək və təxribatlara yol verilməməsi istiqamətində siyasətini gücləndirmək niyyətindədir. O, bu həftə prezident Putinlə telefon danışığında Rusiyanın geri addım atması və diplomatik dialoqa girməsinin vacibliyini bir daha bəyan edəcək”, -  mətbuat xidmətinin  sözçüsü bildirib. 

Baş nazirin gələn həftə Avropaya səfəri də planlaşdırılıb və orada Ukrayna ətrafındakı vəziyyəti də müzakirə edəcək.

Mürtəza
Ölkə.Az