Tanınmış aparıcının ərini öldürməkdə şübhəli bilinənlər saxlanıldı - FOTO
Türkiyənin tanınmış aparıcısı Ece Erkenin həyat yoldaşı Şafak Mahmutyazıcıoğluna silahlı hücum edərək öldürməkdə şübhəli bilinən 9 nəfər yaxalanıb.
Ölkə.Az Türkiyə mətbuatına istinadla xəbər verir ki, qətlin əsas şübhəliləri Kadir Yaşak və Əli Yaşakın tutulduğu anlar kameralara düşüb.
Mərhumun həyat yoldaşı, tanınmış aparıcı Ece Erken isə sosial şəbəkə hesablarında şübhəlilərin fotosunu paylaşaraq “çox şükür” sözlərini yazıb.
Qeyd edək ki, “Beşiktaşın” keçmiş meneceri Ş. Mahmutyazıcıoğlu yanvarın 27-nə keçən gecə balıqçı restoranında naməlum şəxslərin hücumuna məruz qalıb. Dörd yerindən yaralanan Mahmutyazıcıoğlu həyatını itirib. Onun borc məsələsindən dolayı öldürüldüyü deyilir.
Daha əvvəl hadisəni törətməkdə şübhəli bilinən 2 nəfər saxlanılmışdı.
Billurə
