XİN rəhbəri: \"Helsinki Ankaraya zəmanət verə bilər\"

"Ölkə.az", bunu Finlandiyanın xarici işlər naziri Pekka Haavisto deyib.

“Danışıqlar (Türkiyə ilə - red.) rəsmi səviyyədə davam edəcək. Əvvəllər demişdim ki, bu, ən azı bir neçə gün çəkəcək. İndi deyə bilərik ki, səbirli olmalıyıq, bir neçə həftə çəkəcək. Bütün hallarda fikir ayrılıqlarının həllinə nikbin baxıram.”-deyə, nazir bildirib.

Onun sözlərinə görə, rəsmi Helsinki Ankaraya PKK terror qruplaşması ilə əlaqələrin daha yaxından izlənəcəyinə dair zəmanət verə bilər:

“Türkiyəyə bu cür zəmanətləri (PKK ilə əlaqələrə dair - Red) əlbəttə ki, verə bilərik. PKK Avropada terror təşkilatı kimi qəbul olunduğu üçün Finlandiyada da terror fəaliyyətinin qarşısının alınması vacibdir. Üzərimizə düşəni etməmiz vacibdir”.