Rusiyada yaşayış evindəki partlayışda ölənlərin sayı artıb - YENİLƏNİB

Rusiyanın Xantı-Mansiysk Muxtar Dairəsinin Nijnevartovsk şəhərində beşmərtəbəli yaşayış binasında partlayış nəticəsində ölənlərin sayı 6 nəfərə çatıb.

Bu barədə Rusiya Fövqəladə Hallar Xidməti məlumat yayıb.

Hadisə nəticəsində 15 nəfər xəsarət alıb, onlardan 6-sı ölüb, 4-ü xəstəxanaya yerləşdirilib.

Xatırladaq ki, dekabrın 4-də Nijnevartovskda qaz partlayışı baş verib, nəticədə beşmərtəbəli yaşayış binasının iki mərtəbəsi uçub. Fövqəladə Hallar Nazirliyinin məlumatına görə, partlayışa qaz balonunun düzgün quraşdırılmaması, həmçinin istismar qaydalarının pozulması olub.

Rusiya İstintaq Komitəsi ehtiyatsızlıqdan ölümə səbəb olması ilə bağlı cinayət işi açıb.

***

Rusiyada beşmərtəbəli binada çökmə və dağıntı nəticəsində ölənlərin sayı artıb.

APA-nın TASS-a istinadən verdiyi xəbərə görə, Nijnevartovskda beşmərtəbəli binanın ikinci və üçüncü mərtəbəsində çökmə və dağıntı nəticəsində ölənlərin sayı 5-ə çatıb.

Xəstəxanaya yerləşdirilən 3 nəfərdən ikisinin durumu isə ağırdır.

***

Rusiyada beşmərtəbəli binanın iki mərtəbəsi çöküb.

APA-nın TASS-a istinadən verdiyi xəbərə görə, Nijnevartovskda beşmərtəbəli binanın ikinci və üçüncü mərtəbəsində çökmə və dağıntı olub, 1 nəfər ölüb, 10 nəfər xəsarət alıb.

Binadan 52 sakin evakuasiya edilib.

Xilasedicilər dağıntılar altında insanların qala biləcəyini istisna etmir.