Şolts Rusiya ilə əməkdaşlıq qurmamaqdan danışdı

Almaniya kansleri Olaf Şolz ölkənin Rusiya ilə əməkdaşlığın olmaması reallığına uyğunlaşdığını açıqlayıb. "Ölkə.az" xəbər verir ki, siyasətçi müvafiq bəyanatı Cənubi Amerikaya səfəri ərəfəsində verib.

“Almaniya tez bir zamanda yeni reallığa uyğunlaşdı. Bizim artıq Rusiya ilə əməkdaşlıq etmədiyimiz reallıqdır”, - kansler bildirib.

Onun sözlərinə görə, bir neçə ay ərzində Almaniya hakimiyyəti ölkənin enerji təchizatı sistemini dəyişərək, Rusiya qaz, neft və ya kömüründən azad ediblər.

"Biz iqtisadiyyatımızın birtərəfli asılılığını azaltmağa çalışırıq" - deyə Şolts qeyd edib.

O, dünyanın çoxqütblü olacağı fikrini də bildirib. Şoltsun fikrincə, gələcəkdə iki blok yox, bir sıra nüfuzlu ölkələr - Asiya, Afrika, həmçinin Latın Amerikasında olacaq.

“Bu dünya çoxtərəfli olmalıdır ki, mümkün qədər çox dövlət bir-biri ilə əməkdaşlıq edə bilsin”, - deyə siyasətçi davam edib.

Şolts həmçinin qeyd edib ki, o, qarşıda duran çətinliklərin öhdəsindən gəlmək üçün BMT nizamnaməsinə, insan hüquqlarına və qanunun aliliyinə əsaslanan bir nizamın tərəfdarıdır. 

Elvin

Ölkə.az