Peruda içində 60 sərnişin olan avtobus uçuruma düşüb

Peruda 60 sərnişini olan avtobus uçurumdan aşıb. "Ölkə.az" xəbər verir ki, bu barədə RPP radiosu məlumat yayıb.

Məlumata görə, avtomobil Panamerika magistralının 121-ci km-də, Talara əyalətində El Alto ilə Los Orqanosunu birləşdirən hissədə uçuruma düşüb.

KİV-in məlumatına görə, 25 nəfər qəzanın qurbanı olub, hüquq-mühafizə orqanları ölənlərin sayı ilə bağlı hələlik rəsmi məlumat verməyib.

İlkin versiyaya görə, sürücü yolun dik yamaclı hissəsində idarəetməni itirib. Faciə gecə saatlarında baş verib. Polis qəzanın səbəblərini araşdırır.