Arvadı Makronun səriştəsizliyindən bezib, işi belə ələ alır - Dailymail
Bricit Makron həyat yoldaşı Emmanuel Makronun zəifliyindən bezib, vəziyyətə müdaxilə etməyə çalışır.
Ölkə.Az xarici KİV-ə istinadla xəbər verir ki, bu il Yay Olimpiadasına ev sahibliyi etməyə hazırlaşan Fransa son günlərdə təhlükəsizlik problemləri ilə gündəmdədir.
Fransa Prezidenti Emmanuel Makron martda Marseldə olarkən narkotik qaçaqmalçılığına qarşı ciddi tədbirlər görüləcəyi barədə söz verib. Ancaq İngiltərə mediası yazır ki, cinayət baronlarının işləri həmişəki qaydada davam edir.
Ötən həftə "milçək" ləqəbli 13 fərqli cinayətdə ittiham olunan məhkum Mohammad Amra magistral yolda həbsxana maşınına qurulan pusqu ilə qaçırılıb.
Hadisə nəticəsində güllə yarası alan 2 mühafizəçinin hadisə yerində öldüyü, 3 mühafizəçinin isə ağır yaralandığı bildirilir.
Makron isə vəziyyəti yaxından izləyəcəyini deyib. Cinayətkarın yaxalanması üçün "İnterpol"dan qırmızı bülleten çıxarılıb, 500 polis səfərbər edilib, lakin Amra və onun qaçırılmasında əli olan şəxslərdən heç bir xəbər yoxdur.
Fransa mətbuatında isə bu biabırçı hadisəyə tənqidlər getdikcə artmaqdadır.
CNEWS həbsxana məmurlarına "su tapançaları"nı paylandığını deyərək, Fransa liderini tənqid edib.
Digər tərəfdən Fransanın müstəmləkəsi olan Yeni Kaledoniyada səsvermə ilə bağlı qanunvericilikdə dəyişiklik edilməsinə qarşı keçirilən aksiyalar küçələri savaş meydanına çevirib.
Fransız hökumətinin dəstəklədiyi reforma qarşı keçirilən etiraz aksiyaları nəticəsində azı 5 nəfər həlak olub. Makron isə artan şiddət hadisələrinə qarşı 12 günlük fövqəladə vəziyyət elan edib.
Ötən gün isə Fransanın paytaxtı Parisin şimal qərbindəki Ruen şəhərində sinaqoqu yandırmağa çalışan şəxs polis tərəfindən vurularaq öldürülüb.
İngiltərə mətbuatı yazır ki, fransız xalqı Makronun nizamı təmin etmək məsələsindəki bacarıqsızlığını aydın çəkildə görür.
"Makron daha zəif görünə bilməzdi" yazan "Dailymail" qəzeti Fransız lider haqqında aşağıdakı ifadələrə də yer verib:
"Gələn ay keçiriləcək Avropa Parlamenti seçkilərində partiyasının dərinləşən çöküşünü tərsinə çevirə bilməsə, Makronun uğursuzluğa düçar olacağı görünür".
Həm öz ölkəsində, həm də beynəlxalq arenada tənqid oxlarının hədəfində olan Makronun özündən 24 yaş böyük həyat yoldaşının vəziyyətdən xeyli narahat olduğu danışılır.
Parisdəki mənbələr birinci xanımın Makronun baş məsləhətçilərini ləğv etməyə çalışacaq qədər qəzəbləndiyini iddia edir və bunu “Madam qanadının qisası” adlandırırlar.
"Dailymail" yazır ki, Fransız liderin qum torbasını yumruqlayarkən poz verməsinin arxasında da Bricit Makron dayanır.
Qeyd olunur ki, birinci xanım həyat yoldaşından sərt bir mövqe sərgiləməsini istəyib:
"Madam Makron səriştəsiz ərindən o qədər bezib ki, Parisdəkilər onun vəziyyəti ələ almağa çalışdığını pıçıldayırlar".
Billurə Yunus
