Zelenskinin aparat rəhbərinin müavini axtarışa verildi
Ukrayna Prezidenti Volodimir Zelenskinin aparat rəhbərinin müavini Roman Maşovets Rusiya Daxili İşlər Nazirliyi tərəfindən axtarışa verilib,
Publika.az xəbər verir ki, bu barədə Rusiya DİN məlumat yayıb.
"Daxili İşlər Nazirliyi 6 avqust 1976-cı il təvəllüdlü Roman Vasilyeviç Maşovets axtarışındadır", - məlumatda deyilir.
Maşovets 2020-ci ilin aprelindən Zelenskinin ofisinin rəhbərinin müavinidir.
Bundan əvvəl Rusiya FTX-si Ukrayna hərbi kəşfiyyatının zabiti Roman Maşovetsin Krımda yüksək rütbəli məmurlara qarşı sui-qəsd cəhdlərini təşkil və koordinasiya etdiyini bildirib.
