Argentina azarkeşlərinin avtomobili atəşə tutulub

Argentina millisinin azarkeşləri DÇ-2026-da Əlcəzairlə matça gedərkən təhlükəli anlar yaşayıblar.

"Ölkə.az" xəbər verir ki, bu barədə “The New York Times” məlumat yayıb.

Hadisə Kanzas şəhərində baş verib. Argentinalı azarkeşlərin olduğu taksi stadiona doğru hərəkət edərkən naməlum şəxs avtomobili atəşə tutub.

Silahlı insident zamanı taksi sürücüsü yaralanıb. Argentina azarkeşləri isə hadisədən xəsarətsiz qurtulublar.

Bundan sonra polis azarkeşlərin təhlükəsizliyini təmin edib. Onlar patrul avtomobillərinin müşayiəti ilə stadiona aparılıblar.

ABŞ polisi hadisəni törədən şəxsin axtarışlarını davam etdirir. Hücum edən şəxsin kimliyi hələlik məlum deyil.

Qeyd edək ki, Argentina - Əlcəzair matçı ərəfəsində Kanzas şəhərində ümumilikdə 5 silahlı insident qeydə alınıb. Bu hadisələr nəticəsində 1 nəfər həyatını itirib, 4 nəfər yaralanıb.

Argentina yığması Əlcəzairə 3:0 hesabı ilə qalib gəlib.