Tramp bu dəfə Meloni barədə “gizlinləri” açdı - Diplomatik qalmaqal qopdu - VİDEO
Ölkə.az xəbər verir ki, buna ABŞ Prezidenti Donald Trampın İtaliyanın “La7” televiziyasına müsahibəsində bu ölkənin Baş naziri Corcia Meloni barədə söylədiyi sərt fikirlər səbəb olub.
Tramp deyib: “Meloni mənimlə şəkil çəkdirməyi xahiş etdi. O qədər çox istədi ki, mən də ona yazığım gəldi və şəkil çəkdirdim. Onunla danışdığım üçün yəqin ki, çox sevinir, çünki onunla danışmaq məcburiyyətində deyildim”.
Onun bu sözləri Vaşinqton və Roma arasında diplomatik böhrana səbəb olub.
Baş nazir C.Meloni Trampın bundan öncə oxşar açıqlamaları ilə bağlı susmuşdu, amma bu dəfə sərt cavab verib. Hökumıt başçısı sosial media hesabında yaydığı açıqlamada iddiaları qəti şəkildə təkzib edib.
“Trampın açıqlamaları tamamilə uydurmadır. Açığı, təəccüblənirəm. Nə mən, nə də İtaliya heç vaxt yalvarmaz. ABŞ Prezidentinin müttəfiqlərinə qarşı niyə bu cür davrandığını başa düşmürəm. Onun Qərbin düşmənlərinə qarşı eyni qətiyyəti göstərməməsi həqiqətən də təəssüf doğurur”, - İtaliyanın Baş naziri bildirib.
Birləşmiş Ştatlar liderinin fikirlərinə rəsmi Romanın reaksiyası o qədər sərt olub ki, hətta, İtaliya Baş nazirinin müavini və xarici işlər naziri Antonio Tajani gələn həftənin əvvəlində Mayamiyə planlaşdırılan səfərinin ləğv edib.
“Prezident Trampın Baş nazir Corcia Meloniyə ünvanladığı ciddi və təhqiramiz ifadələr bütün İtaliyaya qarşı təhqirdir. Buna görə də, iyunun 21-22-də ABŞ-a planlaşdırılan səfərimi ləğv etmək qərarına gəldim”,- italiyalı nazir deyib.
İtaliya Prezidenti Sercio Mattarellanın da Baş nazir Meloniyə zəng edərək həmrəylik mesajını çatdırıb.
Həm hakim partiya, həm də müxalifət Meloni ətrafında birləşib.
Mürtəza
