Nigeriyada silahlılar məktəbliləri qaçırıb
Boko Haram yaraqlılarının Nigeriyanın şimal-şərqindəki Lassa şəhərində orta məktəbə hücumu nəticəsində otuz yeddi uşaq itkin düşüb.
"Ölkə.az" xəbər verir ki, AFP hökumət sözçüsünə istinadən məlumat yayıb.
Yerli Premium Times nəşri Nigeriyada 35 nəfərin itkin düşdüyünü bildirir.
İyunun 29-da imtahanlar zamanı silahlılar məktəbə basqın edərək atəş açıblar. Müəllim və təhlükəsizlik işçisi də daxil olmaqla üç nəfər həlak olub.
On şagird və bir müəllim xilas edilib. Xilasetmə əməliyyatında hərbçilər, təyyarələr və kəşfiyyatçılar iştirak edib. Hakimiyyət orqanları qurbanların dəqiq sayını müəyyənləşdirir. Yaxınlıqdakı kəndlərdə və meşələrdə axtarışlar davam edir.
Elvin
Ölkə.az
