Azərbaycanda xəstəxanaya kütləvi müraciət - AÇIQLAMA

Oğuz Rayon Mərkəzi Xəstəxanasına kütləvi müraciətin olduğu bildirilir.

Xəstəxananın baş həkimi Anar Əzizov Ölkə.Az-a açıqlaması zamanı bildirib ki, vətəndaşlar əsasən, qusma və ishal şikayətləri ilə müraciət edib. Onların sayı 60 nəfər olub.

“Ola bilsin ki, bu vəziyyət istilərlə əlaqədardır. Elə təhlükəli bir şey yoxdur. Həmin şəxslərin hər birinə ambulator yardım göstərilib və onlar evə buraxılıb. Müraciət edənlərdən yalnız iki uşaq hazırda xəstəxanada müalicə alır. Hazırda hər ikisinin vəziyyəti stabildir”, - həkim bildirib. 

Qeyd edək ki, hadisə ilə bağlı məlumatı ilk "Report" yazıb.

Billurə Yunus