Afinada neft şirkətinin ofisinin yaxınlığında partlayış baş verib - Yaralı var
Yunanıstanın REVOIL neft emalı şirkətinin Afinadakı ofisi yaxınlığında partlayış baş verib.
"Ölkə.Az" "Sputnik Yunanıstan"a istinadən xəbər verir ki, hadisə nəticəsində ərazidən motosikletlə keçən bir nəfər yaralanıb.
Partlayıcı qurğunun binanın xaricinə yerləşdirildiyi və az sonra partladıldığı bildirilir.
Hələlik heç bir qruplaşma baş verənlərə görə məsuliyyəti öz üzərinə götürməyib.
Qeyd edək ki, yanvar ayında da Afina Bələdiyyə Polis binasının qarşısında da partlayış törədilmişdi.
