Qəbələdə tanışını öldürən şəxsin məhkəməsi başlayır

Qəbələdə tanışını qətlə yetirməkdə təqsirli bilinən Kənan Mustafayevin cinayət işi üzrə ibtidai istintaqı başa çatıb.

"Ölkə.Az" xəbər verir ki, cinayət işinin materialları baxılması üçün Şəki Ağır Cinayətlər Məhkəməsinə göndərilib.

Cinayət işi hakim Bilal Məmmədovun sədrliyi ilə araşdırılacaq.

Məhkəmənin hazırlıq iclası yaxın günlərdə keçiriləcək.

Qeyd edək ki, hadisə 2021-ci ilin oktyabrında rayonun Tikanlı kəndinə yaxın ərazidə baş verib.

Belə ki, Qəbələ rayonunun Uludaş kənd sakini, 2003-cü il il təvəllüdlü K.Mustafayev tanışı, Tikanlı kənd sakini, 1987-ci il təvəllüdlü Sənur Ağahüseynovu şəxsi münasibətlər zəminində aralarında yaranan mübahisə zamanı bıçaqlayaraq qətlə yetirib.

Rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

K.Mustafayev şübhəli şəxs qismində tutularaq istintaqa cəlb olunub.