Şəkidə ağır qəza, 4 yaralı var - YENİLƏNİB - FOTO

Şəkidə yol qəzasında xəsarət alanların kimliyi məlum olub.

"Ölkə.az" "Report"a istinadla xəbər verir ki, Qəbələ rayon sakini 1991-ci il təvəllüdlü Samir Mahir oğlu Ramazanlının idarə etdiyi "Khazar" markalı avtomobillə Şəki rayon sakini Ceyhun Mustafayevin idarə etdiyi "Hyundai" markalı nəqliyyat vasitəsi toqquşub.

Qəza zamanı avtomobillərdə olan dörd nəfər Şəki Rayon Mərkəzi Xəstəxanasına müraciət ediblər. Yaralılardan üç nəfərə xəstəxanada ambulator müalicə göstərildikdən sonra evə buraxılıblar. Bakı sakini, 1984-cü il təvəllüdlü Aytəkin Qafıl qızı Qasımovanın müalicəsi isə xəstəxanada davam edir.

Faktla bağlı araşdırma aparılır.

 

***

Bu gün Şəkidə ağır qəza baş verib.

"Ölkə.az" xəbər verir ki, hadisə Şəki-Oğuz yolunda qeydə alınıb.

Belə ki, hərəkətdə olan iki minik avtomobili toqquşub, nəticədə dörd nəfər ağır bədən xəsarətləri alaraq Şəki Rayon Mərkəzi xəstəxanasına yerləşdiriliblər.

Faktla bağlı araşdırma aparılır.(qafqazinfo)