Motosiklet və mopedlər 5 nəfərin həyatına son qoydu
Cari ilin 5 ayı ərzində Bakıda motosiklet və mopdelərin iştirakı ilə ölüm və xəsarətlə nəticələnən yol-nəqliyyat hadisələrinin sayı 6 fakt, qəza nəticəsində ölənlərin sayı 5 nəfər, xəsarət alanların sayı isə 1 nəfər olub.
Bu barədə Ölkə.az-a Bakı Şəhər Dövlət Yol Polisi İdarəsindən məlumat verilib.
“Təbii ki, statistik rəqəmlərdə azalma müşahidə olunsa da, hadisələrin qarşının alınması istiqamətində tərəfimizdən davamlı olaraq nəzarət profilaktiki tədbirlər həyata keçirilir”, - idarədən qeyd olunub.
Məlumata görə, xüsusilə də iyun ayının əvvəlindən bu günə kimi sürücülük hüququ və dövlət qeydiyyat nişanı olmayan, normativ tələblər pozulmaqla avadanlıq quraşdırılan və ya dəyişdirilən 79 motosiklet və moped aşkar edilərək mühafizə olunan duracaqlara yerləşdirilən və sürücülər barəsində qanunamüvafiq tədbirlər həyata keçirilib.
