Eduard Məmmədov 11-ci dəfə Dünya Kubokunu qazandı
Azərbaycan idmançısı Eduard Məmmədov Türkiyənin İstanbul şəhərində kikboksinqin WAKO versiyası üzrə Dünya Kubokunu qazanıb.
"Ölkə.az" xəbər verir ki, təmsilçimiz 63 kiloqram çəki dərəcəsində fəxri kürsünün ən yüksək pilləsinə qalxıb.
E.Məmmədov "master class" kateqoriyasında "Light Contact ve Kick Light" versiyasında ümumi beş döyüşə çıxıb.
Finalda İsveç idmançısı Ahlvarsson Olaya qalib gələrək iki qızıl medal qazanıb. Bununla da o, 11-qat WAKO versiyası üzrə Dünya Kubokunun qalibi olub.
