Tunis millisində dopinq qalmaqalı - 8 futbolçunun testi pozitiv çıxdı
Tunis millisinin səkkiz futbolçusu 2026-cı il futbol üzrə dünya çempionatında verdikləri dopinq testlərində müsbət nəticə göstərib.
Ölkə.az xəbər verir ki, bu barədə "The Times” məlumat yayıb.
Məlumata görə, idmançıların qanında qadağan olunmuş klenbuterol maddəsi aşkarlanıb. İddia olunur ki, bu maddə komandanın Meksikadakı bazasında təqdim olunan yerli ət məhsullarından keçmiş ola bilər.
Futbolçuların klubları nəticələrlə bağlı məlumatlandırılıb, lakin ciddi sanksiyaların tətbiqi ehtimalının aşağı olduğu bildirilir.
Qeyd edək ki, Tunis millisi turnirdə mübarizəni qrup mərhələsində dayandırıb. Komdanda hər 3 oyunda uduzub və 2 qol vuraraq, 12 top buraxıb.(oxu.az)
