Alman şirkəti Azərbaycan bazarından gedir
“Pvt Vasser Und Abvassertechnik GMBH” şirkətinin Azərbaycandakı Baki filialı ləğv olunur.
“Ölkə.Az”ın məlumatına görə, qərar şirkətin yerli filialının 20.10.2021 tarixli ümumi yığıncağında verilib.
Elana əsasən, kreditorlar 60 gün ərzində ləğv edilən hüquqi şəxsə qarşı tələblərini Bakı şəhəri Nəsimi rayonu, Ali Mustafayev 3 mkr, ev.23, m.36 ünvanına bildirə bilərlər.
Qeyd edək ki, Almaniya şirkəti “Pvt Vasser Und Abvassertechnik GMBH”in Azərbaycan filialı 11.07.2011 tarixində dövlət qeydiyyatına alınıb və qanuni təmsilçisi George Robert Pool-dur. Şirkətin əsas fəaliyyəti su və çirkab suların təmizlənməsi üçün infrastruktur layihələrin həyata keçirilməsi ilə bağlıdır.
