“Azərsu” yeni yaradılmış şirkətə 2 milyonluq tender verib

“Azərsu” ASC balansında olan subartezian quyularının istismarı üçün nasos aqreqatlarının satın alınması ilə bağlı elan etdiyi açıq tenderə yekun vurub.

“Ölkə.Az”ın məlumatına görə, tenderin qalibi "Hinal Group" MMC olub.

Qalib şirkətlə 2 094,349 min manat məbləğində satınalma müqaviləsi imzalanıb.

Qeyd edək ki, "Hinal Group" MMC 01.06.2021 tarixində dövlət qeydiyyatına alınıb və qanuni təmsilçisi Əhliman Əliyev Telman oğludur. Nizamnamə kapitalı 100 manat olan şirkətin hüquqi ünvanı Bakı şəhəri Binəqədi rayonu, Biləcəri ştq, məhəllə 5057/68, ev 10, m. 76-dır.

Könül

Ölkə.Az