“Beynəlxalq Bank” 6% gəlirli istiqraz buraxır

“Azərbaycan Beynəlxalq Bankı” ASC hər birinin nominal dəyəri 1000 manat olan 20 min ədəd adlı, faizli, sənədsiz, təminatsız istiqrazlar buraxır.

“Ölkə.Az”ın məlumatına görə, bununla bağlı bankın emissiya prospekti açıqlanıb.

Faiz gəlirləri istiqrazların nominal dəyərindən 6% olmaqla, rüblük qaydada istiqrazların tədavül müddəti ərzində ödəniləcək. 

İstiqrazların kütləvi təklif üsulu ilə yerləşdirilməsi “Bakı Fond Birjası” QSC-nin ticarət platformasında həyata keçiriləcək. İstiqrazların listinqə daxil olması ilə bağlı müraciət Azərbaycan Mərkəzi Bankı tərəfindən buraxılış dövlət qeydiyyatına alındıqdan sonra ediləcək.