Gündəlik üzləşdiyimiz bu hal insan ömrünü qısaldır - Ekspert

Mətbəxdə qaz yanarkən ondan uzaq olmaq, təmiz havaya çıxmaq lazımdır.

"Ölkə.Az" xəbər verir ki, bunu Neft Araşdırmaları Mərkəzinin rəhbəri İlham Şaban deyib. 

O bildirib ki, alimlərin tədqiqatlarına əsasən məişətdə qaz avadanlıqlarından istifadə (mətbəxdə və qızdırıcı kimi açıq yanma ilə müşahidə edilən qurğularda) insan ömrünün azalmasına gətirib çıxarır:

"Belə ki, təbii qazın yanması zamanı insanlar azot dioksid (NO2) maddəsini udmaq təhlükəsi ilə üzləşirlər. Bu isə ağ ciyərin oksigenlə qidalanmasına mənfi təsir edir, hemoqlobini aşağı salır. Belə həyat tərzi davamlı olduğu halda beynin qidalanmasına təsirlər başlayır və əsəb sistemi digər orqanların fəaliyyətinə də təsir edir".  

İ. Şabanın sözlərinə görə, "Science Advances" elmi jurnalı məişətdə qazdan istifadəni passiv siqaret çəkməyə bənzədib.

"İnkişaf etmiş ölkələrdə məişətdə təbii qazdan ya istifadə edilmir (tam şəkildə elektrik enerjisi ilə əvəzlənir), ya da minimumlaşdırılır", - deyə ekspert əlavə edib.

Könül
Ölkə.Az