Xəstəxanaya aparılarkən öldü, bıçaqlandığı bilindi - Bakıda qətl
Bakının Nizami rayonunda ölüm hadisəsi baş verib.
Ölkə.Az xəbər verir ki, dünən axşam radələrində 1998-ci il təvəllüdlü Murtuz Murtuzov xəstəxanaya aparılarkən yolda ölüb.
Aparılmış ilkin araşdırmalarla zərərçəkmişin tanışı, 2000-ci il təvəllüdlü Məhəmməd Məhəmmədlinin şəxsi münasibətlər zəminində aralarında yaranmış münaqişə zamanı Murtuz Murtuzova bıçaqla xəsarət yetirərək qəsdən öldürməsinə əsaslı şübhələr müəyyənləşdirilib.
Faktla bağlı Nizami Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.
Məhəmməd Məhəmmədli şübhəli şəxs qismində tutularaq istintaqa cəlb olunub.
Araşdırma aparılır.
