Gəncədə xəstə qızı zorlayan 62 yaşlı kişidən XƏBƏR VAR

Gəncə şəhərində sağlamlıq imkanları məhdud olan 17 yaşlı qızı zorlamaqda təqsirli bilinən Rəşid Gözəlovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib.

İş hakim hakim Xəqani Səmədovun icraatına verilib.

İş üzrə məhkəmə hazırlıq iclası mayın 27-nə təyin olunub.

Qeyd edək ki, bu ilin mart ayında sosial şəbəkələrdə Gəncə şəhəri, Kəpəz rayon sakini, xüsusi qayğıya ehtiyacı olan və yetkinlik yaşına çatmayan qızın 62 yaşlı qonşusu R.Gözəlov tərəfindən zorakılığa məruz qalması və hamilə olması ilə bağlı məlumat yayılmışdı.

Faktla bağlı Gəncə Şəhər Prokurorluğunda cinayət işi açılıb. Daha sonra R.Gözəlov saxlanılaraq cinayət məsuliyyətinə cəlb edilib.

Kəpəz Rayon Məhkəməsi onun barəsində 4 ay müddətinə həbs qətimkan tədbiri seçib.