Həyat yoldaşımın dərdi yoxdur, ürək bulandırırlar - Nadir Qafarzadə

"Həyat yoldaşım səhnə fəaliyyətimə qarışmır. Onun üçün Azərbaycan şou-biznesində baş verənlər maraqlı deyil. Onun öz aləmi var. Bu dəqiqə başı qarışıb oğluna bazarlıq etməyə".

Ölkə.Az xəbər verir ki, bunu müğənni Nadir Qafarzadə həyat yoldaşının onu qısqanıb-qısqanmamasıyla bağlı suala cavab verərkən deyib.

"Sevirəm belə insanları başı ailəsinə qarışıb. Əslində, məni başa düşür və deyir ki, bu, sənin sənətindir. Birdən aktyor olsaydım, gündə bir xanımla səhnə bölüşsəydim, gərək gündə boşanmalıydıq. Anlayışlı xanımdır. Sadəcə, bəzi rəylər var ki ürək bulandırır. Yazırlar ki, "yazıq arvadı nələr çəkir, dərdin deyə bilmir". Onun dərdi yoxdur. Siz öz dərdinizlə, probleminizlə məşğul olun", - sənətçi əlavə edib.