\"Gecə-gündüz Allaha deyirəm ki, mən səndən kişi istəmirəm ki...\" - Əməkdar artist

“Boşanandan sonra ikinci dəfə ailə qurmadım. Çünki uşaqlarım böyük idi. Oğlum var, nəvələrim var, mənə yaraşmaz”.

Ölkə.Az xəbər verir ki, bunu Əməkdar artist, qarmon ifaçısı Gövhər Rzayeva şəxsi həyatından danışarkən deyib.

“İnsan bir dəfə ailə qurar. Birincidən gətirmədisə, gətirmədi. Növbəti dəfə ailə qurmağa meyilli olmadım. Çünki sənətim var. Qazanırdım, özümü, balalarımı ailəmi yola verirdim. Ona görə də məni çox maraqlandırmayıb. Gecə-gündüz Allaha deyirəm ki, mən səndən kişi istəmirəm ki... Sadəcə ruzi ver, məni övlad dağı ilə imtahana çəkmə. Bir parça çörəyimiz var, qazanımız qaynayır. Allahıma sonsuz təşəkkür edirəm. Diz çöküb şükr edirəm. 3 övladım var. Qızlarımın biri ağ, biri qaraciyərimdi, oğlum da ürəyimdir. Mən onlarla nəfəs alıram”.

Səbinə