“Bozbaş” Picturesin Şirini bacısından imtina edibmiş – BACISI GÖRÜN KİM İMİŞ

Məşhur aktyor Nicat Rəhimovun bacısı mətbuata açıqlaması ilə gündəmə gəlib.

Ölkə.Az xəbər verir ki, Nuridə Qasımova bizim.media-ya müsahibəsində qalmaqala yol açacaq çıxışları ilə yadda qalıb qalıb.

Belə ki, onun sözlərinə görə, anası Nurcahan xanım 1993-cü ildə Rauf Məhərrəmovla aliə həyatı qurub.

Bu nikahdan onların bir qız övladı dünyaya gəlib. Adını Nuridə qoyublar. Onun 4 yaşı olarkən atası ilə anası ayrılıb. Ayrılıqdan sonra anası ilə Rusiyanın Sankt-Peterburq şəhərinə köçüb və orada yaşayıblar. On iki ildən sonra Bakıya qayıdanda artıq vəziyyətin başqa cür olduğunu söyləyən Nuridə xanım, atası Rauf bəyin ikinci dəfə ailə qurduğunu öyrənib. Həmin nikahdan oğul və qız uşağı dünyaya gəlib.

N.Qasımovanın deməsinə görə, qardaşı ilə münasibətlərində soyuqluq var. Bildirib ki, indi Nicat ondan küsüb və əlaqə yaratmağa imkan vermir:

“Çox peşmanam, üzr istəmişəm, bağışlamağını xahiş etmişəm. Amma Nicat barışmır mənimlə”.

Nuridə Qasımova söyləyib ki, 7 yaşlı oğlu dayısını istəyir, onu televizordan izləyərkən nə zaman Nicatla görüşəcəyini soruşur.

Nicat Rəhimov deyilənlərə münasibət bildirməyib.