Parlament tarixində ilk: İki deputat evləndi - FOTOLAR
Ölkə.az-ın xəbərinə görə, TBMM tarixində ilk dəfədir fəaliyyətdə olan millət vəkilləri nikaha girib.
Dörd dəfə deputat seçilən M.Emir hazırda ölkənin əsas müxalifət partiyası olan Cümhuriyyət Xalq Partiyasının (CHP) parlament fraksiyası sədrinin müavinidir. E.Rızvanoğlu da CHP üzvüdür. O, İstanbuldan deputat seçilib.
1969-cu ildə Malatyanın Hekimhan rayonunda anadan olan M.Emir Hacettepe Universitetinin Tibb Fakültəsinin məzunudur. İxtisasça oftalmoloq olan M.Emir Almaniyanın Heydelberq Universitetində lazer fizikası üzrə magistr dərəcəsini alıb.
Tibb təhsilini başa vurduqdan sonra Ankara Universitetinin Hüquq Fakültəsini bitirib və səhiyyə hüququ üzrə doktorluq dərəcəsi alıb.
O, gənclik illərində CHP-də siyasi karyerasına başlayıb. İlk dəfə 2015-ci ildə Ankaradan deputat seçilib. M.Emir 2024-cü ilin aprel ayında CHP parlament fraksiyasının sədr müavini təyin edilib.
1980-ci ildə Vanda anadan olan Evrim Rızvanoğlu ali təhsilini ABŞ-da alıb. Kaliforniya Universitetini bitirib və Florida Beynəlxalq Universitetindən MBA dərəcəsinə yiyələnib.
Ailə şirkətində rəhbər vəzifələrdə çalışan E.Rızvanoğlu siyasi karyerasına DEVA Partiyasının təsisçi üzvü kimi başlayıb. Təşkilatın sədr müavini olub.
2023-cü il ümumi seçkilərində CHP siyahıları ilə İstanbul millət vəkili seçilən E.Rızvanoğlu, 27 iyun 2025-ci ildə DEVA Partiyasından ayrılaraq CHP-yə qoşulub. O, hazırda CHP Mərkəzi İdarə Heyətinin üzvüdür.
Mürtəza
