100 min ərəb qadın sürücü işə götürüləcək

100 min ərəb qadın sürücü işə götürüləcək
22:32
13.02.2018
1700
Dünya
A
Mərkəzi ofisi Dubayda yerləşən avtomobil paylaşım şirkəti “Careem” 1000 səudiyyəli qadın sürücü ilə müqavilə bağladığını bildirib.

“Ölkə.Az”ın verdiyi xəbərə görə, Səudiyyə Ərəbistanı kralı Məhəmməd ibn Salmanın ötən il qadınların avtomobil sürməsinə icazə verməsi minlərlə işsiz qadın üçün ümid yeri olub. Qanunun bu ilin iyununda qüvvəyə minməsi ilə Səudiyyə Ərəbistanı yollarında da qadın sürücüləri görmək olacaq.

Şirkətin ortaqlarından olan Maqnus Olsson bildirib ki, bu qərar ölkənin inkişafı üçün çox önəmlidir. Onun sözlərinə görə “Careem” şirkəti 2019-cu ilin iyununa kimi daha 100 min qadını işə götürəcək.

Bildirək ki, Səudiyyə Ərəbistanında 1 milyondan artıq qadın iş axtarır.

Ölkə.Az

 

ŞƏRH YAZ
0

“Dünya gözəli-2018”in qalibi bəlli oldu — FOTOLAR

“Dünya gözəli-2018”in qalibi bəlli oldu
15:51
Bu gün
2521
Dünya
A
Sanye kurort şəhərində sayca 68-ci “Dünya gözəli” müsabiqəsinin final mərhələsi keçirilib.

“Ölkə.Az” xəbər verir ki, tac uğrunda dünyanın 118 ölkəsindən gələn gözəl bəxtini sınayıb. Nəticədə Meksika təmsilçisi, 26 yaşlı Vanessa Ponse de Leon qalib olub.

Final mərhələsi 3 saat davam edib. Jüri üzvləri əvvəlcə tac üçün 30 namizədin adını çəkdilər. Sonra isə cəmi beş nəfərin adı qaldı. Bunlar Belarus, Meksika, Tayland, Uqanda və Yamayka gözəlləri idi. Nəhayət, jüri qalibin adını açıqladı. “Dünya gözəli” tacını 26 yaşlı meksikalı Vanessa ötən ilin qalibi, Hindistan gözəli Manuşi Çxillardan təhvil aldı.

Vanessa bu titulu qazanan ilk meksikalıdır. Bu, onun ilk qələbəsi deyil. 4 il əvvəl Vanessa “Mexico’s Next Top Model” müsabiqəsinin qalibi olub.

Hikmət Həsənov
Ölkə.Az

ŞƏRH YAZ
0

Ermənistanda Paşinyanın heykəlini dağıtdılar — FOTOLAR

Ermənistanda Paşinyanın heykəlini dağıtdılar
14:45
Bu gün
3535
Dünya
A
Naməlum şəxslər Ermənistanda baş nazir postunu icra edən Nikol Paşinyanın heykəlini dağıdıblar.

“Ölkə.Az” xəbər verir ki, “Mənim addımım” blokunun lideri Paşinyanın piyada aksiyasını əks etdirən heykəl bir müddət əvvəl qoyulub.  Heykəl cari ilin sentyabr ayında Vanadzor-Gümrü yolunda açılmışdı. Heykəl  inqilabla nəticələnən Paşinyanın aksiyasını simvolizə edir.
Naməlum şəxslər heykəlin ayaq hissəsini sındıraraq götürüblər.

Hikmət Həsənov
Ölkə.Az

ŞƏRH YAZ
0
BAĞLA