"100 minlik “Sevgi romanı”nda açıq-saçıqlıq yoxdur, amma ehtiraslı səhnələr var" — Oksana Rəsulova

21:30
02.12.2019
20034
Maqazin
A
Bir müddət öncə hind rəqslərinin mahir ifaçısı, aktrisa Oksana Rəsulovanın çəkildiyi “Sevgi romanı” filminin tanıtım çarxı ilə yanaşı, qalmaqallı posteri sosial mediaya yayılaraq müzakirə predmetinə çevrildi. “Poster”də əks olunan Oksana ilə tərəf müqabili aktyor Şəhriyar Əbilov tənqid atəşinə tutulub.

"Ölkə.Az" bildirir ki, qalmaqallı məsələ ilə bağlı Oxu.Az-ın əməkdaşı Oskana Rəsulovanın münasibətini öyrənməyə çalışıb.

Tədbirlərin birinə dəvət alan aktrisa ehtiraslı paylaşımla bağlı məsələyə aydınlıq gətirib:

“Paylaşılan foto filmin posteri deyil. Həmin kadr mənim tərəf müqabilim aktyor Şəhriyar Əbilovla oynadığımız tanqo rəqsindəndir. Rəqsimizin sonunda onunla üz-üzə dayanıb belə bir ehtiraslı poza vermişik. Yazdılar ki, mən Şəhriyarla öpüşmüşəm. Həmin fotoya diqqətlə baxsalar, orada öpüşün olmadığını görərlər. O rəqs necə olacaq və o rəqsdən sonra nələr olacaq? – bunu filmimiz çıxanda biləcəksiniz. Açıq-saçıq səhnə yoxdur, amma ehtiraslı səhnələr var. Açıq-saçıq səhnələrdən mən ümumiyyətlə uzağam. Sevgiyə aid hansı səhnə istəyirsinizsə, bu filmdə yer alıb”.

Oksana tezliklə premyerası olacaq filminə izləyicilər tərəfindən gələcək irad və tənqidlərə hazır olduğunu bildirib:

“Hər hansı film çıxdıqda, açıq-saçıq səhnə tamaşaçılar tərəfindən tənqid olunur. Bu normaldır və olmalıdır”. 

“Mələyin öpüşü”nü hind filmlərinin “remake”i (red:təkrar) adlandırdılar. “Sevgi romanı”nı da bu aqibət gözləyir?” sualına cazibədar aktrisa bu cür reaksiya verdi:

“Hər zaman insanlar nəyisə nəyəsə bənzədirlər. Amma “Sevgi romanı” filmi türksayağı romantik bir melodramdır. Film həvəskarları ekran əsərini izlədikdə həyatda tez-tez rast gəldikləri sevgi, xəyanət, satqınlıq kimi məqamların şahidi olacaqlar. Dekabrın 12-dən etibarən tamaşaçıların intizarına son qoyulacaq. Çünki bu tarixdə “Sevgi romanı”nın premyerası keçiriləcək”.

Filmin büdcəsinə gəldikdə isə Oksana qəti fikir söyləmədi:

“Hesab edirəm ki, çəkdiyimiz film bizə həm uğur gətirəcək, həm də pul qazandıracaq. Sadəcə onu deyə bilərəm ki, filmə 100 mindən çox  pul xərcləmişəm”.

Rəşad Əliyev 

ŞƏRH YAZ
0

Əməliyyatdan çıxan aktyor danışdı: “Özümü yaxşı hiss edirəm”

Əməliyyatdan çıxan aktyor danışdı: “Özümü yaxşı hiss edirəm”
19:52
Bu gün
1579
Maqazin
A
“Öd kisəmi əməliyyat etdilər. Palataya köçürüblər məni. Özümü yaxşı hiss edirəm”.

"Ölkə.Az" bildirir ki, bu sözləri kulis.az-a gecə saatlarında Bakı Sağlamlıq Mərkəzində əməliyyat olunan Kukla Teatrının aktyoru, Əməkdar artist Rəhman Rəhmanov söyləyib.  

Onun sözlərinə görə, daha bir əməliyyatın da keçiriləcəyi gözlənilir. 

Xatırladaq ki, dünən aktyorun vəziyyətinin pisləşməsi və əməliyyat üçün pulun olmaması haqqında məlumat yayılmışdı. Kukla Teatrının mətbuat xidməti isə məlumatı təkzib etmiş, əməliyyat üçün lazım olan tədbirlərin görüldüyünü söyləmişdi. 

ŞƏRH YAZ
0

Aynişan əri ilə bal ayında — FOTO/VİDEO

Aynişan əri ilə bal ayında
19:36
Bu gün
2035
Maqazin
A
Əməkdar artist Aybəniz Haşımovanın qızı Aynişan Quliyevaya həyat yoldaşı Kənanla bal ayına yollanıblar.

"Ölkə.Az" azxxsam.az-a istinadən xəbər verir ki, cütlük bal ayı üçün İndoneziyada yerləşən Bali adasını seçib.

Ötən gün yola düşən Aynişan və Kənan bu gün adaya çatıb.

Qeyd edək ki, Aynişanın qız toyu fevralın 1-i, oğlan toyu isə fevralın 8-i olub.

ŞƏRH YAZ
0
BAĞLA