11 ölkə nasizmi pisləyən birgə bəyanat yaydı — Aralarında Azərbaycan da var

11 ölkə nasizmi pisləyən birgə bəyanat yaydı
03:11
08.12.2019
2183
Siyasət
A
Azərbaycan, Rusiya, Belarus, Ermənistan, Qazaxıstan, Özbəkistan, Qırğızıstan, Tacikistan, Türkmənistan, Moldova və Serbiya xarici işlər nazirləri İkinci Dünya müharibəsində Qələbənin 75 illiyi ilə bağlı birgə bəyanat imzalayıblar.

"Ölkə.Az" APA-ya istinadən xəbər verir ki, bu barədə Rusiya Xarici İşlər Nazirliyinin mətbuat xidməti məlumat yayıb.

Rusiya XİN rəsmi internet səhifəsində ATƏT  XİN başçıları Şurasının Bratislavada keçirilən 26-cı iclasında 11 ölkənin xarici işlər nazirləri tərəfindən qəbul olunan birgə bəyanatın mətni yerləşdirilib.

Bəyanatda İkinci Dünya müharibəsinin tarixdə on milyonlarla insanın həyatına son qoyan və bəşəriyyət üçün dəhşətli əzablara səbəb olan ən şiddətli və qanlı münaqişələrdən biri olduğu qeyd olunub. 

Bildirilib ki, nasizm üzərində qələbə xalqlarımızın sarsılmaz birliyi və həmrəyliyi, anti-Hitler koalisiyası ölkələrinin birgə mübarizəsi sayəsində mümkün olub. 

Bəyanatda ön və arxa cəbhələrdə misilsiz şücaət və cəsarət göstərərək sivilizasiyamızı məhv olmaqdan xilas edənlərin fədakarlığı xatırlanıb: “Bizim müqəddəs borcumuz tarixi həqiqəti qorumaqdır. Biz Qızıl Ordunun əsgər və sərkərdələrinin abidələrinin, Avropanın faşistlərdən azad edilməsi uğrunda canlarını vermiş insanların məzarlarına hörmətsizliyi təhqir hesab edirik. Bu cür xatirə obyektlərinə qarşı vandalizmə heç bir haqq qazandırmaq olmaz. Bütün ölkələri qəhrəmanların xatirəsinə ehtiram göstərməyə və hərbi məzarları yaxşı vəziyyətdə saxlamağa çağırırıq".

Bəyanatda həmçinin İkinci Dünya müharibəsinin nəticələrini saxtalaşdırmağa cəhdlər də qətiyyətlə pislənilib: "Bir sıra ölkələrin nasist cinayətkarlarının və onların silahdaşlarının reabilitasiyası və qəhrəmanlaşdırılması səylərindən narahatıq. Nürnberq Beynəlxalq Hərbi Tribunalının müddəti bitməyən qərarlarına ciddi riayət edilməsinin zəruriliyini hesab edirik. Etnik və dini nifrət əsasında olan cinayətlərə susmaq dünyanı yeni bir fəlakətə aparacaq”.

 “BMT Baş Assambleyasının 74-cü sessiyasında qəbul olunan "Nasizmin qəhrəmanlaşdırılması, irqçilik, irqi ayrı-seçkilik, ksenofobiya və onunla bağlı olan dözümsüzlüyün təşviqinə xidmət edən neonasizm və onun digər növlərinə qarşı mübarizə” adlı qətnamənin vacibliyini qeyd edirik" - deyə, birgə bəyanatda qeyd olunub.

Ölkə.Az

ŞƏRH YAZ
0

AŞPA nümayəndə heyəti Azərbaycanda səfərdədir

AŞPA nümayəndə heyəti Azərbaycanda səfərdədir
18:33
Bu gün
369
Siyasət
A
Avropa Şurası Parlament Assambleyasının (AŞPA) nümayəndə heyəti fevralın 9-da keçiriləcək parlament seçkiləri ərəfəsində seçki kampaniyasını və siyasi mühiti qiymətləndirmək üçün yanvarın 22-dən 23-dək Azərbaycanda səfərdədir.

"Ölkə.Az" xəbər verir ki, səfər çərçivəsində nümayəndə heyəti Milli Məclisin sədri, Azərbaycanın AŞPA-dakı nümayəndə heyəti, parlament və parlamentdən kənar partiyaların rəhbərləri və nümayəndələri ilə görüşəcək.

Mərkəzi Seçki Komissiyasının sədri və üzvləri ilə, həmçinin KİV, vətəndaş cəmiyyəti və beynəlxalq ictimaiyyətin nümayəndələri ilə danışıqlar aparılması da planlaşdırılır.

Nümayəndə heyəti səfərdən sonra bəyanat yayımlamağı planlaşdırır. Nümayəndə heyəti tam şəkildə seçkiləri müşahidə etmək üçün Azərbaycana fevralın 9-da gələcək.

ŞƏRH YAZ
0

İlham Əliyev Putinlə görüşünü anons etdi

İlham Əliyev Putinlə görüşünü anons etdi
17:39
Bu gün
388
Siyasət
A
Azərbaycan Rusiyanın yeni hökuməti ilə tərəfdəş münasibətlərin inkişafına əmindir.

“Ölkə.Az” xəbər verir ki, bunu Azərbaycan Prezidenti İlham Əliyev TASS-a açıqlamasında deyib.

“Əminəm ki, Putinlə danışdığımız kimi bizim əlaqələrimiz strateji tərəfdaşlıq ruhunda  uğurla inkişaf edəcək. İnanıram ki, bu il də  ticarət dövriyyəsi və çoxplanlı əlaqələr baxımından çox uğurlu il olacaq” – Azərbaycan Prezidenti bildirib.

Bununla belə Azərbaycan Prezidenti bildirib ki, il ərzində  Rusiya Prezidenti Vladimir Putinlə görüşü planlaşdırılır.

“Hələlik dəqiq vaxtı müəyyənləşdirilməyib. Lakin, görüş mütləq olacaq. Çünki ötən il biizm prezidentlə (Putin) beş yaxud altı görüşümüz olub. Odur ki, görüşümüz  mütəmadi bir format alıb. Görüşümüz mütləq olacaq”-  İ.Əliyev bildirib.

Ölkə.Az

 

ŞƏRH YAZ
0
BAĞLA