112 yaşlı qadına ad günü hədiyyəsi: yanğınsöndürən maşın
Fransanın Monpelye şəhərinin ən yaşlı sakinlərindən olan 112 yaşlı Matilda Lartiqin arzusu həyata keçib.
"Ölkə.Az"ın Trend-ə istinadən məlumatına görə, şəhərin yanğınsöndürən briqadası qadına ad günü hədiyyəsi olaraq öz maşınlarını icarəyə veriblər.
1905-ci ildə anadan olan Matilda Fransanın 7-ci ən yaşlı sakinidir. O, 17 prezident, iki dünya müharibəsi görüb. Sürücülük vəsiqəsi alan ilk qadınlardan olan Matilda yanğınsöndürən maşın sürmək arzusunu isə 112 il sonra reallaşdıra bilib.
