13 yaşlı qızı maşınla vuraraq qaçan sürücü həbs edilib

13 yaşlı qızı maşınla vuraraq qaçan sürücü həbs edilib
15:07
13.08.2017
187
Hadisə
A
Şəmkir rayonunun polis və prokurorluq əməkdaşları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində rayon ərazisində yol nəqliyyat hadisəsi törədərək hadisə yerindən qaçmış sürücü tutulub.

Ölkə.Az bildirir ki, Şəmkir rayon Prokurorluğundan APA-ya verilən məlumata görə, avqustun 12-də Şəmkir rayon Mahmudlu kənd sakini, 1989-cu il təvəllüdlü Qasımov Elmar Malik oğlu nəqliyyat vasitələrini idarə etmək hüququ olmadan idarə etdiyi "VAZ-2121" markalı, 10-MO-474 dövlət qeydiyyat nişanlı avtomobillə rayonun Düzqışlaq kəndi ərazisində yol kənarında duran, həmin kənd sakini, 2004-cü il təvəllüdlü Qasımova Ella Namiq qızını vuraraq hadisə yerindən qaçıb. Nəticədə sonuncu aldığı ağır xəsarətlərdən xəstəxanaya aparılarkən yolda ölüb.

Faktla bağlı Şəmkir rayon polis şöbəsində Cinayət Məcəlləsinin 263-1.3-cü (yol hərəkəti və ya nəqliyyat vasitələrinin istismarı qaydalarını sərxoş halda və ya nəqliyyat vasitələrini idarə etmək hüququ olmayan şəxs tərəfindən pozma  eyni əməllər ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb. Rayonunun polis və prokurorluq əmkdaşları  tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində yol nəqliyyat hadisəsi törədərək hadisə yerindən qaçan E. Qasımov tutularaq istintaqa cəlb edilib. Ona Cinayət Məcəlləsinin qeyd olunan maddələri ilə ittiham elan edilməklə barəsində Şəmkir rayon məhkəməsinin qərarı ilə həbs qətimkan tədbiri seçilib. 

ŞƏRH YAZ
0

Xaçmazda meşədə yanğın

Xaçmazda meşədə yanğın
23:13
Bu gün
132
Hadisə
A
Xaçmazda yanğın olub.

"Ölkə.Az"ın FHN-in saytına istinadən verdiyi xəbərə görə, rayonun Ləcət kəndində 2 ha biçilmiş taxıl sahəsi və yaxınlıqdakı meşə zolağında 1 ha sahədə quru ot, kol-kos və ağac kötükləri yanıb. Meşə zolağının qalan hissəsi yanğından mühafizə olunub. Yanğın yanğın bölmələri tərəfindən söndürülüb.

Ölkə.Az

ŞƏRH YAZ
0

Bakıda dənizdə batan 4 nəfər xilas edilib

Bakıda dənizdə batan 4 nəfər xilas edilib
22:58
Bu gün
192
Hadisə
A
Bakıda dənizdə batan 4 nəfər xilas edilib.

"Ölkə.Az"ın Fövqəladə Hallar Nazirliyinin (FHN) saytına istinadən verdiyi xəbərə görə, bu gün nazirliyin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən Mərdəkan, Bilgəh, Qızılqum sularda xilasetmə məntəqələrinin ərazisində və qeyri-çimərlik (nəzarətsiz) ərazidə çimərkən batma təhlükəsi ilə üzləşmiş 4 nəfər xilas olunub.​

Ölkə.Az

ŞƏRH YAZ
0
BAĞLA