15 türk əskərini şəhid edən terrorçu öldürüldü
Şimali İraq əməliyyatında “Skorsky” helikopterinin vurulması nəticəsində 15 türk əskərini şəhid edən Velat Gever kod adlı Sefer Açar adlı terrorçu öldürülüb.
“Ölkə.Az” xəbər verir ki, bu barədə Türkiyənin Daxili İşlər Nazirliyi məlumat yayıb.
Məlumata əsasən, Bitlisin Hizan rayonunun Koçyiğit kəndində aparılan əməliyyat nəticəsində “qırmızı” siyahıda axtarışda olan terrorçu, Garzan vilayətinin PKK üzrə təmsilçisi Sefer Açar və 10 terrorçu öldürülüb.
Sefer Açar 20 il əvvəl “Skorsky” helikopterini vuraraq 15 türk əskərini şəhid etmişdi.
Məlumata əsasən, öldürülən terrorçunun cibindən şəhid etdiyi türk əskərinə məxsus pul da aşkar edilib. Terrorçu pulun üzərinə “vurulan helikopterin pilotunun puludur” yazısını yazıb.
Hikmət Həsənov
Ölkə.Az
