15 yaşlı qız doğduğu körpəsini torpağa basdırdı, küçə iti xilas etdi

15 yaşlı qız doğduğu körpəsini torpağa basdırdı, küçə iti xilas etdi
17:47
18.05.2019
3378
Dünya
A
Taylandda dəhşətli hadisə baş verib.

“Ölkə.Az” xəbər verir ki, 15 yaşlı qız ana olub və doğduğu körpəsini torpağa basdırıb. Körpəni isə küçə iti xilas edib.

40 yaşlı Usa Nisaika adlı fermer itin baxçada bir nöqtəni qoxlayıb hürməsindən şübhələnib. O, itin qoxladığı yeri qazdıqdan sonra bir körpənin basdırıldığını görüb. Fermer dərhal körpəni xəstəxanaya çatdırıb. Hazırda uşağın vəziyyəti normaldır. Polis isə uşağın anasını tapmaq üçün hadisə baş verən ərazidə əməliyat keçirib. Bir dükanın sahibi gənc bir qızın ondan bir neçə hamam dəsmalı aldığını deyib. Polis izi tapıb və 15 yaşlı ananı aşkar edib. Qız qorxaraq cinayətini etiraf edib.

Qızın ailəsi isə nəvələrini qəbul etmək istəmirlər.

Ölkə.Az

ŞƏRH YAZ
0

Köçəryan yenidən həbs edildi

Köçəryan yenidən həbs edildi
20:14
Bu gün
767
Dünya
A
Ermənistanın sabiq prezidenti Robert Köçəryan yenidən həsb edilib.

“Ölkə.Az” “RİA Novosti”yə istinadən xəbər verir ki, bu barədə Ermənistan Apellyasiya Məhkəməsi qərar verib.

Apellyasiya məhkəməsi Yerevan məhkəməsinin 18 mayda Köçəryanın zaminlə azadlığa buraxılması haqqında qərarını ləğv edib və onun yenidən həbs edilməsi barədə qərar çıxarıb. Sabiq prezidentin qərara etiraz üçün 15 gün vaxtı var.

Qeyd edək ki, Köçəryan separatçı Qarabağ rejiminin indiki və keçmiş “prezidentləri” Bako Saakyan və Arkadi Qukasyanın zəmanəti ilə azadlığa buraxılmışdı.

O, 2008-ci il 1-2 mart hadisələrində hakimiyyəti devirməkdə ittiham edilir. Həmin hadisələrdə 10 nəfər ölmüş, 230 nəfər yaralanmışdı.

Ölkə.Az

ŞƏRH YAZ
0

Pişiyi səhvən 35 dəqiqə paltaryuyan maşında yudular

Pişiyi səhvən 35 dəqiqə paltaryuyan maşında yudular
18:03
Bu gün
1956
Dünya
A
ABŞ-ın Minnesot şəhərində maraqlı hadisə baş verib.

“Ölkə.Az” xəbər verir ki, Stefani Kerroll-Kirxoff səhvən pişiyini paltaryuyan maşında yuyub. Stefani hər dəfə maşını yoxlasa da, bu dəfə üç pişiyindən birini unudub.

Soyuq su ilə 35 dəqiqə maşında yuyulan pişik sağ qalıb. O, maşının qapağını açanda pişiyin pəncəsini görüb. Stefani dərhal bir yaşı olan Feliks adlı pişiyi maşından çıxarıb və həkimə aparıb. Bununla yanaşı, pişik müvəqqəti olaraq görmə qabiliyyətini itirib, möhkəm soyuqlayıb. Hazırda onun vəziyyəti yaxşılaşıb.

Amma pişiyin müalicəsi sahibəsinə 700 dollara başa gəlib.

Ölkə.Az

ŞƏRH YAZ
0
BAĞLA