16 saat tox qalmaq üçün sahurda bu qidaları yeyin — SİYAHI və FOTOLAR

16 saat tox qalmaq üçün sahurda bu qidaları yeyin
12:00
21.05.2018
16305
Maraqlı
A
Bu il Müqəddəs Ramazan ayı isti havalarla müşayət olunur.

“Ölkə.Az” xəbər verir ki, sağlam qidalanma və sağlamlıq üçün sahurda insanı tox saxlayan və susuzluq yaratmayan qidalara üstünlük vermək lazımdır.

Qida mütəxəssisləri bildirirlər ki, gecə saatlarında qəbul edilən ağır qidalar o saatlarda metabolizma sürəti aşağı düşdüyü üçün yağa çevrilmə riski yüksəkdir. Bu səbəbdən bu saatlarda qəbul edilən qidaları diqqətlə seçmək lazımdır.

Sahurda tərkibində protein olan süd, qatıq və pendir kimi qidalar qəbul edilə bilər. Qandakı şəkərin miqdarının düşməsinin qarşısını aldığı üçün çörəkdən və ya taxıl məhsullarından hazırlanan şorbalardan istifadə etmək olar.

 

Sahurda kifayət qədər su, ayran, kompot və qazlı su içmək lazımdır. Eyni zamanda yemək yeyib yatmaq əvəzində vaxtında sahura durmaq lazımdır. Bununla yanaşı, sahurda duzlu qidalar və qızardılmış qidalar əvəzinə daha yüngül qidalar qəbul etmək məsləhət görülür.

 

 

1 çay qaşığı zeytun yağını pomidor və xiyarın üstünə əlavə edərək qəbul etmək və bağırsaq problemi olanlara faydalıdır.


“Ölkə.Az” oxucularına insanı gün boyu tox saxlayan və susuzluq yaratmayan qidaların siyahısını təqdim edirik.

Yumurta
Sahurun vazkeçilməz qidasıdır. Omlet və ya pomidor yumurta qəbul etmək də məsləhət görülür.

 


Ətli dolmalar
Dolmanı hazırlayarkən düyü əvəzinə yarmadan istifadə edin.

 

Pendir

Sahur üçün əladır. Pendir əvəzinə qatıqdan da istifadə etmək olar.

 


Tərəvəz şorbaları
Quru paxlalar əlavə edilmiş qatıq, yulaf və mərci əlavə edilmiş tərəvəz şorbası, noxudlu şorba məsləhət görülür.

 


Proteinli salatlar
Tərkibində balıq, toyuq və ət olan salatlar əladır.

 

Meyvəli qatıq

Şaftalı və ya ərik əlavə edilmiş bir kasa qatıq sahur üçün əladır.

 


Yağlar
Zeytun yağı və zirə yağı tox qalmağa kömək edir. Bu səbəbdən sahurda qidalara bu yağlardan əlavə edə bilərsiniz. Tərkibində yağın miqdarı çox olduğu üçün avokado da qəbul etmək olar.

 

Paxlalılar

Tərkibində mərci olan salatlar, tərkibində mərcimək, noxud, lobya olan qiymə ət məsləhət görülür.

 


 

Ayran, kefir
Ayran sahur üçün əla içkidir. Ancaq sahurda təkcə ayran yox, kefirdən də istifadə edin.

 

 

 

Badam, fındıq, fıstıq

Hər sahurda yeməyə iki ədəd qoz, üç ədəd fındıq və dörd ədəd badamla başlamaq tövsiyyə olunur.

Hikmət Həsənov
Ölkə.Az

ŞƏRH YAZ
0

Napoleonun papağı hərracda satıldı — Rekord qiymət

Napoleonun papağı hərracda satıldı
18:05
Bu gün
182
Maraqlı
A
Fransız imperator Napoleon Bonaparta məxsus bir papaq Lion şəhərində keçirilən hərracda satışa çıxarılıb.

 “Ölkə.Az” xəbər verir ki, papağın Fransanın İngiltərəyə məğlub olduğu Vaterlo savaşından qaldığı ehtimal edilir. Papaq Napoleonun ölümündən 200 il sonra tapılıb. Dərisi qurumuş və çat olduğu üçün yaxşı qalmayan papağın 30-40 min avroya satılacağı düşünülürdü. Amma papaq Lion hərracında 350 min avroya satılıb.

Qara qunduz dərisindən hazırlanmış papaq ikitərəfli istifadə edilə bilər. Önündə və arxasındakı işarələr məşhur dövlət xadiminin savaş vaxtı müəyyən edilməsini təmin edir.

Napoleon iqtidarda olduğu müddət ərzində papaqlarını fransız papaq istehsalçısı Poparddan alıb. O, 15 il ərzində 120 papaq alıb.

Hikmət Həsənov
Ölkə.Az

ŞƏRH YAZ
0

Qabığı ilə yeyiləndə orqanizmi xərçəng xəstəliyindən qoruyan qidalar — SİYAHI və FOTOLAR

Qabığı ilə yeyiləndə orqanizmi xərçəng xəstəliyindən qoruyan qidalar
15:53
Bu gün
658
Maraqlı
A
Peşəkar dietoloqlar bəzi meyvələri qabığı ilə yeyəndə xərçəng riskini azaltdığını deyirlər.

“Ölkə.Az” qabıqları ilə qəbul ediləndə xərçəng xəstəliyinə qarşı mübarizə aparmağa kömək edən qidaların siyahısını oxucularına təqdim edir.

Kivi

Kivinin tüklü səthi antioksidantlarla zəngindir. Bundan başqa iltihaba qarşı və allergiyaya qarşı xüsusiyyətləri var. Kivinin qabığı meyvəsindən 3 dəfə çox antioksidanta sahibdir. Kivinin qabığı “Staphylococcus” və “E-coli” kimi qida zəhərlənməsinə səbəb olan bakteriyaları məhv edir. Qabıqlı kivini blenderdən keçirib qəbul edin.

Ananas

Ananasın sərt çəyirdəkli hissəsindən istifadə etmək olar. Tərkibində lif və C vitamini ilə yanaşı bromelain adlı maddə var. Bu maddə qidanı və ölü toxumaları həzm sistemində sürətlə parçalayır və mədəmizi qoruyur. Ananasın çəyirdəyində bromelain maddəsinin miqdarı meyvəsindəkinə nisbətən iki dəfə çoxdur. Çəyirdəyi əzin, suyunu içkilərinizə əlavə edin.


Banan

Aparılan tədqiqat sübut edib ki, banan qabığının tərkibində serotonin maddəsi çoxdur. Bu isə depressiyanı azaldır. Banan qabığının tərkibindəki lutein antioksidantı isə göz hüceyrələrini ultra-bənövşəyi şüalardan qoruyur. Bu şüalara çox məruz qalmaq isə katarakt riskini artırır. Bananın qabığını 10 dəqiqə qaynadıb soyudulmuş suyunu içmək, ya da çəkib suyunu içmək məsləhət görülür.


Sarımsaq
Aparılan araşdırmalar sübut edib ki, sarımsağın qabığında 6 fərqli antioksidant var. Sarımsağın qabığında yaşlanma prosesi ilə mübarizə aparan və ürəyi qoruyan fenilpropanoid antioksidantları var. Sarımsağın üzərinə zeytun yağı əlavə edib sobada bişirilən yeməklərə və ya bişmiş tərəvəzlərə əlavə etmək olar.

Naringi

Naringi və portağalın içərisindəki ağ rəngli tüklərin tərkibində pektin maddəsi var. Pektin xolestorolu azaltmağa və bağırsaqlardakı müsbət bakteriyaların qalmasına kömək edir. Qabığı ilə birlikdə sıxılan naringinin suyunu içmək məsləhətdir.

Balqabaq tumu və qabığı

Balqabaq dəri və dırnaqlar üçün faydalıdır. Ürək xəstəliyi və xərçəngə qarşı qoruyan bir antioksidant olan betakarotinlə zəngindir. Balqabağın qabığını yemək çətindir. Bu səbəbdən sıxıb suyunu içmək, tumlarını isə qabıqlı yemək məsləhətdir.

Hikmət Həsənov
Ölkə.Az

ŞƏRH YAZ
0
BAĞLA