16 yaşlı qızı ilan sancıb

16 yaşlı qızı ilan sancıb
22:16
17.07.2017
108
Hadisə
A
Tovuz sakinini ilan sancıb.

Ölkə.Az APA-ya istinadən xəbər verir ki, rayonun Əlibəyli kənd sakini, 2001-cı il təvəllüdlü Tağıyeva Gülnarə Rövşən qızı həyətdə gəzərkən ilan onun sol ayağının dördüncü barmağından sancıb.

16 yaşlı qız dərhal Tovuz Rayon Mərkəzi Xəstəxanasına yerləşdirilib. Ona ilan zəhəri əleyhinə zərdab vurulub. Vəziyyətinin orta-ağır olduğu bildirilir.
 
Qeyd edək ki, bu, gün ərzində Tovuzda ikinci ilansancma hadisəsidir. Günorta saatlarında rayonun Ağdam kəndində ilan 7 yaşlı qızı sancıb.

ŞƏRH YAZ
0

Bakıda qız üstündə qan töküldü

Bakıda qız üstündə qan töküldü
15:00
Bu gün
226
Hadisə
A
Bakının Səbail rayonunda bıçaqlanma hadisəsi baş verib.

“Ölkə.Az” Teleqraf.com-a istinadən xəbər verir ki, Şıxov çimərliyi ərazisində 1978-ci il təvəllüdlü Məmmədəli Hüseynov tanımadığı şəxslə mübahisə edib. O, dava zamanı bıçaqlanıb. Yaralı sol budun kəsilmiş-deşilmiş xəsarətləri ilə 1 saylı Kliniki Tibbi Mərkəzə yerləşdirilib.

Məmmədəli Hüseynova tibbi yardım göstərilib, vəziyyətinin ağır olduğu bildirilir.

İlkin məlumata görə, onların arasında mübahisə qız üstündə baş verib.

Faktla bağlı cinayət işi başlanıb.

Ölkə.Az

ŞƏRH YAZ
0

Leysan yağışlar İsmayıllıda təbii fəlakətə yol açıb — 60 kənd işıqsız, 7 kənd qazsız qalıb

Leysan yağışlar İsmayıllıda təbii fəlakətə yol açıb
14:13
Bu gün
271
Hadisə
A
Ötən gecədən başlayaraq səhərədək İsmayıllı rayonunda güclü küləklə müşahidə edilən leysan yağışı yağıb.

"Ölkə.Az" APA-ya istinadən xəbər verir ki, yağışdan sonra əmələ gələn sel suları və külək təsərrüfatın ayrı-ayrı sahələrinə ziyan vurub.

Təbii fəlakət zamanı İsmayıllı şəhərində və kəndlərdə sosial obyektlərin dam örtüyü qopub, meyvə ağacları, elektrik dirəkləri aşıb, meyvə-tərəvəz və taxıl tələf olub. Rayonda elektrik naqilləri qırılıb, əhaliyə elektrik enerjisinin verilişi dayanıb. Küləyin təsiri nəticəsində dam örtüyü dağılan evlər və içəridəki əşyalar yağış suyunun altında qalıb.  Ümumilikdə rayonun 60 kəndinə elektrik enerjisinin verilişi dayanıb. Həmçinin, 7 kəndi təbii qazla təmin edən magistral qaz borusunun Ax-Ox çayı üzərindən keçən hissəsi selin təsiri nəticəsində qırılıb, əhalinin qaz təchizatı dayanıb. Hal-hazırda rayonda güclü yağış yağdığı üçün qaz xəttini bərpa etmək mümkün olmur.

Bundan əlavə, ötən gecə çobanlar iri və xırdabuynuzlu heyvanları Girdiman çayından keçirərkən qəflətən gələn güclü sel nəticəsində heyvanların bir qismi tələf olub. Dörd çoban, “QAZ-66” markalı minik maşını və 600-ə yaxın qoyun və inək çayın ortasındakı boş torpaq sahəsində köməksiz vəziyyətdə qalıb. Gecə saatlarında İsmayıllı rayon fövqəladə hallar komissiyası və rayon polis şöbəsinin əməkdaşları tərəfindən həmin ərazi nəzarətə götürülüb. Əraziyə texnika və canlı qüvvə cəlb edilib, hazırda insanların və mal-qaranın xilas edilməsi ilə bağlı işlər aparılır. Təbii fəlakət zamanı rayona dəyən ziyanın miqdarı hələlik dəqiq bilinmir. Araşdırma aparılır.

Ölkə.Az

ŞƏRH YAZ
0
BAĞLA