16 yaşlı xanəndəmizin solo konserti olacaq — FOTO

16 yaşlı xanəndəmizin solo konserti olacaq
10:18
02.11.2017
721
Mədəniyyət
A
VI Televiziya Muğam müsabiqəsinin qalibi Almaxanım Əhmədlinin solo konserti keçiriləcək.

"Ölkə.Az"ın məlumatına görə, Beynəlxalq Muğam Mərkəzi və "Mədəniyyət" kanalının birgə layihəsi olan konsert dekabrın 8-də baş tutacaq. Bu barədə əməkdaşımızla söhbətində Almaxanım Əhmədli bildirib ki, hazırda məşqlər gedir:

"Bu, mənimçün çox böyük məsuliyyətdir. Etimad göstərənlərə dərin təşəkkürümü bildirirəm. Hazırda gərgin və davamlı məşqlərimiz gedir. İnanıram ki, dekabrın 8-də tamaşaçıların görüşünə maraqlı proqramla çıxış edəcəyəm". 

Qeyd edək ki, Beynəlxalq Muğam Mərkəzində keçiriləcək konsert saat 19-da başlanır.

Xatırladaq ki, Almaxanım Əhmədli 2001-ci il avqust ayının 18-də Bakı şəhərində ziyalı ailəsində anadan olub. Filologiya elmləri doktoru, professor Vüqar Əhmədin qızıdır. 2006-2014-cü illərdə S.C.Pişəvəri adına Humanitar Fənlər Gimnaziyasında təhsil alıb.  2017- ci ildə Bakı şəhəri M.Ə.Sabir adına orta məktəbi əla qiymətlərlə bitirib.  2017-ci ildə Səid Rüstəmov adına Bakı şəhəri 13 saylı musiqi məktəbinin "Muğam" şöbəsini qırmızı diplomla bitirib. Hazırda Milli Konservatoriyanın xanəndəlik fakültəsində əməkdar artist Təyyar Bayramovdan təhsil alır. Hazırda Amerikanın 7, Avropanın 4 televiziyasında ifaları yayımlanır. Repertuarında muğam dəstgahları, bəstəkar və xalq mahnıları ilə yanaşı türk, ərəb, fars və ingilis dillərində oxuduğu nəğmələr yer tutur.

İntiqam VALEHOĞLU
Ölkə.Az

ŞƏRH YAZ
1

Tanınmış yazıçının şeir kitabı çıxdı — FOTO

Tanınmış yazıçının şeir kitabı çıxdı
18:16
23.11.2017
144
Mədəniyyət
A
Görkəmli Azərbaycan yazıçısı Vahid Məmmədlinin şeir kitabı çapdan çıxıb.

 "Ölkə.Az" xəbər verir ki, "Döy qapımı, açmayım” adlı kitabında müəllifin son illərdə qələmə aldığı şeirləri və bir poeması toplanıb.
 
Məlumat üçün bildirək ki, V.Məmmədli nəsr əsərləri ilə yanaşı, onun bir çox şeirləri müasir Azərbaycan poeziyasının ən gözəl nümunələrindən hesab olunur. 

"Qanun” nəşriyyatında nəşr olunan kitabın redaktoru Nəzrin Məmmədlidir. 

 

ŞƏRH YAZ
0

Rasim Balayev müalicə üçün Türkiyəyə getməyəcək

Rasim Balayev müalicə üçün Türkiyəyə getməyəcək
13:55
22.11.2017
354
Mədəniyyət
A
Xalq artisti, məşhur aktyor Rasim Balayevin Türkiyəyə səfəri təxirə salınıb.

"Ölkə.Az" xəbər verir ki. bu barədə APA-ya Rasim Balayev özü məlumat verib.
 
O qeyd edib ki, müalicə üçün müraciət etdiyi həkim yaxın günlərdə Bakıya gələcək: "Mənə dedilər ki, həmin nevropotoloq iki-üç günə Bakıya gələcək. Əslində belə olmağı yaxşıdır. Yol əziyyətindən azad oldum. Yaşlı, xəstə adamam, yola çıxmaq çətindir. Məni həm də incidən bel və ayaq ağrılarıdır. İsraildə bu xəstəliklər üzrə yaxşı həkim var, o da Bakıya gələcək, onun da qəbuluna yazılacağam".
 
R. Balayev əlavə edib ki, müalicə xərcləri dövlət tərəfindən ödənəcək: "Yəqin ki, böyük xərc olmayacaq. Amma dedilər, bütün problemlərim diqqət mərkəzində olacaq, nə lazımdırsa, edəcəklər".

ŞƏRH YAZ
0
BAĞLA