1677 Azərbaycan vətəndaşının Türkiyəyə girişi qadağan edildi, 252 nəfər deportasiya olundu

1677 Azərbaycan vətəndaşının Türkiyəyə girişi qadağan edildi, 252 nəfər deportasiya olundu
14:00
17.07.2017
27
Siyasət
A
Türkiyənin Daxili İşlər Nazirliyi terrorçu İŞİD-ə qarşı mübarizə ilə bağlı hesabatını açıqlayıb.

"Ölkə.Az"ın Report-a istinadən verdiyi məlumata görə, sənəddə qeyd olunub ki, 2014-ci ilin aprelindən terrorçu qruplaşmalarla əlaqədə şübhəli bilinən 17 min 500 əcnəbinin ölkəyə girişinin qarşısını alıb, 4550 nəfər deportasiya olunub.

Hesabata əsasən, terror təşkilatları ilə əlaqələri olan 53 min 781 nəfər əcnəbinin adı "qara siyahıya" salıb.

Sənəddə bildirilib ki, Türkiyənin dövlət orqanları 2014-cü ilin aprelindən indiyədək 1677 Azərbaycan vətəndaşının ölkəyə girişinə qadağa qoyub, daha 252 Azərbaycan vətəndaşı deportasiya edilib. Azərbaycan bu göstəricilərə görə, siyahıda müvafiq olaraq, 9-cu və 6-cı yerləri tutub.

Hesabatda vurğulanıb ki, Türkiyəyə buraxılmayan əcnəbilər arasında daha çox Səudiyyə Ərəbistanı (7523), Tunis (4605) və Rusiya (4128) vətəndaşları yer alıb. Terrorçularla əlaqələrinə görə ölkədən daha çox Rusiya (804), İndoneziya (435) və Tacikistan (308) vətəndaşları deportasiya edilib.

ŞƏRH YAZ
0

Dilqəm və Şahbazın işgəncə verildiyi şəkillər AŞPA-da nümayiş olundu

Dilqəm və Şahbazın işgəncə verildiyi şəkillər AŞPA-da nümayiş olundu
23:13
23.01.2018
3320
Siyasət
A
Millət vəkili Qənirə Paşayeva AŞPA-da Dilqəm Əsgərov və Şahbaz Quliyevə qarşı Ermənistanın törətdiyi vəhşiliyin fotolarını nümayiş etdirib və Nazirlər Komitəsinin yeni sədrini onların azadlığa buraxılması üçün addımlar atmağa çağırıb.

"Ölkə.Az" xəbər verir ki, bu gün AŞ Nazirlər Komitəsinin yeni sədri, Danimarkanın xarici işlər naziri Andres Samuelsen AŞPA-da çıxış edib və millət vəkillərinin suallarını cavablandırıb.

Azərbaycanın AŞPA-dakı nümayəndə heyətinin üzvü Qənirə Paşayeva Assambleyada Dilqəm Əsgərov və Şahbaz Quliyevin girov götürülmə fotolarını, Ermənistanın onlara qarşı göstərdiyi vəhşiliyi nümayiş etdirən fotoları nümayiş edib və Nazirlər Komitəsi qarşısında Ermənistanın qeyri-qanuni olaraq girov saxladığı, işgəncə verdiyi və beynəlxalq çağırışlara da məhəl qoymayaraq azad etmədiyi Diqəm Əsgərov və Şahbaz Quliyev məsələsini və rəsmi İrəvanın AŞPA qətnamələrinə də məhəl qoymayaraq öz evlərinə dönmələrinə izn vermədiyi azərbaycanlı qaçqın və məcburi köçkünlərin pozulan insan haqlarını qaldırıb və sualla müraciət edib: ”Nazirlər Komitəsinin yeni sədri kimi neçə aylardır, Ermənistanın qanunsuz olaraq girov saxladığı 2 azərbaycanlının, Şahbaz Quliyev və Dilqəm Əsgərovun azad edilməsi istiqamətində onların ailəsi sizdən dəstək gözləyir. Bu istiqamətdə hansı addımlar atacağınızı gözləyə bilərlər? Eyni zamanda 1 milyon azərbaycanlı qaçqın və məcburi köçkün Ermənistanın Azərbaycan torpaqlarını işğalda saxlaması səbəbindən 25 ildir, öz evlərinə dönə bilmirlər. Bir sədr kimi sizdən də dəstək gözləyən bu insanlara buradan nə söyləmək istərdiniz?”

Bu münaqişə ilə bağlı vasitəçilik ATƏT-in Minsk Qrupunun səlahiyyətləri daxilindədir deyən AŞ Nazirlər Komitəsinin yeni sədri, Danimarkanın xarici işlər naziri Andres Samuelsen bildirib ki, Avropa Şurası tərəflər arasında sülh üçün zəruri olan inam şəraitinin formalaşmasına dəstək ola bilər.

Ölkə.Az

ŞƏRH YAZ
0

İlham Əliyevin “Microsoft” şirkətinin vitse-prezidenti ilə görüşü olub

İlham Əliyevin “Microsoft” şirkətinin vitse-prezidenti ilə görüşü olub
21:10
23.01.2018
3076
Siyasət
A
Yanvarın 23-də Azərbaycan Respublikasının Prezidenti İlham Əliyevin Davosda “Microsoft” şirkətinin vitse-prezidenti, Avropa, Yaxın Şərq və Afrika üzrə prezidenti Mişel Van Der Bel ilə görüşü olub.

"Ölkə.Az" xəbər verir ki, görüşdə Azərbaycan iqtisadiyyatının şaxələndirilməsi istiqamətində görülən işlərdən, qeyri-neft sektorunun inkişafı ilə bağlı atılan uğurlu addımlardan danışılıb. Azərbaycanda informasiya-kommunikasiya texnologiyaları sahəsinin prioritet istiqamətlərdən biri olduğu qeyd edilib və bu sahədə əldə olunan nailiyyətlərdən söhbət açılıb. “Microsoft” ilə uğurlu əməkdaşlığın həyata keçirildiyi bildirilib və əməkdaşlığın perspektivləri müzakirə olunub.

Ölkə.Az

ŞƏRH YAZ
0
BAĞLA