18 yaşlı çempionumuz yarış günü özünü atasına görə asıb — Təfərrüat

18 yaşlı çempionumuz yarış günü özünü atasına görə asıb
11:54
13.07.2017
87
İdman
A
Dünən mətbuatda sambo üzrə Avropa çempionu Rəşad Dünyamalıyevin intiharı ilə bağlı xəbərlər yayılıb.

"Ölkə.Az" Lent.az-a istinadən xəbər verir ki, hadisə iyulun 4-də 1999-cu il təvəllüdlü Dünyamalıyev Rəşad Vladislav oğlunun Binəqədi qəsəbəsində yaşadığı həyət evində baş verib. 18 yaşlı idmançı səhər saatlarında həyətədəki turnikdən özünü asaraq həyatına son qoyub.
 
57 kiloqram çəki dərəcəsində çıxış edən Rəşad hadisə baş verən gün sambo üzrə Azərbaycan yığmasının heyətində Qazaxıstanda keçirilən Nursultan Nazarbayev turnirinə qatılmalı imiş. Belə ki, Azərbaycan yığmasının üzvləri və məşqçilər səhər saatlarında toplaşıblar və Rəşadın da gəlib çıxmasını gözləyiblər. Artıq təyyarəyə gecikəcəklərini gördükdə, onlar idmançılardan birini Rəşadgilin evinə göndəriblər və dəhşətli mənzərə ortaya çıxıb.
 
Bildirilir ki, hadisə baş verən gün Rəşad evdə tək olub. Səhər saatlarında anası işə gedərkən onu oyadıb. Rəşad isə hazırlanıb aeroporta gedəcəyini deyərək anasını yola salıb. Evin tək oğul övladı olan Rəşadın bacısı da həmin vaxt işdə olub.

Rəşad Dünyamalıyevin şəxsi məşqçisi, tanınmış hakim Cabir İsmayılov hadisə barəsində bunları deyib: "Onu çox gözlədik, artıq təyyarəyə gecikirdik və belə bir məlumat gəldi. Qazaxıstana çatanda hamı bizə başsağlığı verirdi. Mənim üçün çox ağırdır. 5 yaşından əlimdə böyüyən uşaqdır. 2 dəfə Avropa Çempionu olub. Bir dəfə Dünya ikincisi olub. Rəşad 7-8 dəfə Azərbaycan çempionu olmuşdu, ona böyük ümidlər bəsləyirdik. Buna görə də əsas yığmaya dəvət etmişdik ki, onu Qazaxıstanda da yoxlayaq".
 
Bu arada o da məlum olub ki, Rəşad Dünyamalıyevin ailəsində atası ilə bağlı problemlər olub. Onun intiharı ilə bağlı yaxınları və tanıyanlar hər hansı başqa səbəb tapa bilmirlər.
 
Faktla bağlı Binəqədi rayon Prokurorluğunda cinayət işi açılıb, araşdırmalar davam etdirilir. 

ŞƏRH YAZ
0

Avro-2020: Bakıda keçiriləcək matçların tarixi açıqlandı

Avro-2020: Bakıda keçiriləcək matçların tarixi açıqlandı
20:29
24.05.2018
399
İdman
A
UEFA 2020-ci ildə keçiriləcək Avropa çempionatının oyunlarının tarixlərini açıqlayıb.

"Ölkә.Az" bu barədə AFFA-ya istinadən məlumat verir.

Bakı Olimpiya Stadionunda da Avro-2020-nin 4 oyunu təşkil olunacaq. Bunlardan 3-ü qrup mərhələsinin, 1-i isə 1/4 final mərhələsinin oyunlarıdır.

 

UEFA-nın elan etdiyi təqvimə əsasən, Bakıda keçiriləcək A qrupunun 3 oyunu, müvafiq olaraq, iyunun 13-də, 17-də və 21-də olacaq. 1/4 final mərhələsinin BOS-dakı qarşılaşması isə iyulun 4-də keçiriləcək.

Ölkә.Az

ŞƏRH YAZ
0

“Qarabağ” 9 futbolçusu ilə vidalaşdı

“Qarabağ” 9 futbolçusu ilə vidalaşdı
16:11
24.05.2018
367
İdman
A
“Qarabağ” 9 futbolçu ilə yollarını ayırıb.

"Ölkə.Az" klubun saytına istinadən məlumat verir ki, İbrahim Şehiç, Riçard Almeyda, Elvin Yunuszadə, Rahid Əmirquliyev, Əfran İsmayılov, Ağabala Ramazanov və Arif Daşdəmirovun müqaviləsi uzadılmayıb.

Eyni zamanda Pedro Enrike və Ramil Şeydayevin icarə müddəti başa çatdığından Ağdam təmsilçisindən ayrılıblar.

ŞƏRH YAZ
0
BAĞLA