19 dövlət əmlakı özəlləşdirilib

19 dövlət əmlakı özəlləşdirilib
19:46
13.03.2018
1023
İqtisadiyyat
A
Əmlak Məsələləri Dövlət Komitəsi (ƏMDK) tərəfindən martın 13-də keçirilən növbəti hərracda 19 dövlət əmlakı özəlləşdirilib. Bunlardan 3-ü kiçik dövlət müəssisəsi, 13-ü qeyri-yaşayış sahəsi, digər 3-ü isə nəqliyyat vasitəsidir. Bakı şəhəri üzrə keçirilən hərraclarda 1 kiçik dövlət müəssisəsi, 12 istifadəsiz qeyri-yaşayış sahəsi və 3 nəqliyyat vasitəsi, respublikanın digər şəhər və rayonları üzrə 2 kiçik dövlət müəssisəsi və 1 istifadəsiz qeyri-yaşayış sahəsi özəlləşdirilib.

ƏMDK-dan "Ölkə.Az"a bildirilib ki, müxtəlif çeşiddə və münasib qiymətə əmlak sahibi olmaq istəyənlər üçün hərraclar unikal vasitədir. Hərraclarda iştirak edən hər bir sərmayəçi biznes layihələrinə uyğun olaraq özəlləşdirilməyə çıxarılan dövlət əmlakına sahib ola bilər. Bu üstünlüklərlə yanaşı, artıq özəlləşdirilmə prosesinin keçirildiyi məkana gəlməklə bağlı investorların zamanını planlaşdırmağa da ehtiyac qalmır. Belə ki, funksionallığı ilə seçilən Elektron hərracın tətbiqi bu məsələni tam olaraq həll edib. Sistem məkan və zaman məfhumunu aradan qaldırıb. İstənilən şəxs ölkə daxilində və ya xaricində istənilən vaxt müraciət edərək tamamilə elektron şəkildə hərraca qatılmaq hüququ əldə edir.

Növbəti hərracda da investorlar belə üstünlüklərdən yararlanıblar. Hərraclara çıxarılan əmlakların əlverişli olması, iştirak prosedurlarının sadə olması sərmayəçilərin marağını artırıb. Özəlləşdirilmə prosesinin sadalanan müsbət cəhətləri alıcıların sayını artırmaqla budəfəki hərracda da rəqabət yaradıb. Belə ki, paytaxtın Nərimanov rayonunda yerləşən qeyri-yaşayış sahəsinin ilkin start qiyməti 13 min manat olsa da, ən son təklif 13 min 450 manatadək yüksəlib. Həmin əmlakın ümumi faydalı sahəsi 50 kvadratmetrə yaxındır. Bundan başqa eyni ünvanda yerləşən digər əmlakın, 1 mərtəbəli binanın zirzəmisinin bir hissəsinin də hərracı rəqabətli olub. İlkin start qiyməti 2 min 500 manata olan həmin obyektə ən son 2 min 600 manat təklif edilib.

Hərracda özəlləşdirilən kiçik dövlət müəssisələri paytaxtın Sabunçu rayonunda, digərləri isə Gəncə və Qəbələ şəhərlərində yerləşir. Həmin əmlaklar isə xidmət sahəsində əlverişli olmaqla sahibinə yaxşı gəlir gətirə bilər. Belə ki, ümumi faydalı sahəsi 119 kvadratmetr olan Gəncə şəhərində yerləşən 6 saylı mağaza ərzaq mallarının pərakəndə satışı üçün olduqca münasibdir. Bundan başqa özəlləşdirilən “Maştağa Avtodəstə” də təmir sahəsində sahibi üçün gəlir mənbəyi ola bilər. Bu əmlakın ümumi faydalı sahəsi isə 1400 kvadratmetrə yaxın, torpaq sahəsi isə 10 min kvadratmetrdən çoxdur. Obyektin ərazisinin kifayət qədər geniş olması da iqtisadi fəaliyyətdə sahibinə əlavə üstünlük qazandırır.

Turizm sahəsinin sürətlə inkişaf etdiyi Qəbələ şəhərində iaşə və xidmət obyektlərinin sayı artmaqdadır. Bu əmlakların sırasına rayonun Nic qəsəbəsində yerləşən 1 saylı klub da daxil ola bilər. Fəaliyyətini yenidən qurmaqla bu obyekti turistlərin sevimli məkanına çevirmək mümkündür.

Bakı şəhəri üzrə özəlləşdirilən qeyri-yaşayış sahəsindən 5-i Nərimanov, 5-i Nəsimi, 2-si isə Səbail rayonunda yerləşir. Region üzrə özəlləşdirilən qeyri-yaşayış sahəsi Abşeron rayonundadır. Səbail rayonunda yerləşən, ümumi faydalı sahəsi 116.5 kvadratmetr olan əmlakdan ofis, xidmət obyekti kimi istifadə etmək olar. Nərimanov rayonunda yerləşən ümumi faydalı sahəsi 63 kvadratmetrə yaxın olan obyekt də xidmət sahəsinə aid olmaqla investorlar üçün yaxşı gəlir mənbəyidir.

Bununla yanaşı, prosesdə müxtəlif markalı nəqliyyat vasitələri də sahibini tapıb. Özəlləşdirilən avtomobillər 2007-ci il istehsalı olan “Fiat Albeo” və “Fiat Doblo”, buraxılış tarixi 2006-cı il olan “Nissan Maxima”dır.

Keçirilən hərracların nəticələri ilə tanış olmaq üçün komitənin rəsmi saytı olan “emdk.gov.az” və “privatization.az” portalının müvafiq bölməsinə daxil olmaq kifayətdir.

Hərraca qatılmaq üçün Özəlləşdirmə portalı üzərindən əmlakı seçib sifariş vermək olar. Portalda hər bir əmlakın mövqeyi, yerləşməsi, mövcud vəziyyəti barədə fotoşəkillər və mətn məlumatları var. İstənilən şəxs hərraca həm iştirakçı qismində qatıla, həm də ziyarətçi olaraq canlı izləyə bilər.

Qeyd edək ki, Əmlak Məsələləri Dövlət Komitəsi tərəfindən növbəti hərrac bayram günləri ilə əlaqədar olaraq martın 27-də keçiriləcək. Hərraca investorları cəlb edə biləcək çoxçeşidli əmlaklar çıxarılıb.

ŞƏRH YAZ
0

Vahid büdcə təsnifatında edilən dəyişikliklər açıqlandı

Vahid büdcə təsnifatında edilən dəyişikliklər açıqlandı
17:18
Bu gün
98
İqtisadiyyat
A
Azərbaycan Respublikası Nazirlər Kabinetinin 2018-ci il 11 oktyabr tarixli 440 nömrəli Qərarına müvafiq olaraq vahid büdcə təsnifatda dəyişiklik edilməsi zərurəti son illərdə ölkədə həyata keçirilən iqtisadi islahatlar, dövlət və icmal büdcələrin idarə olunmasında tətbiq olunan qanunvericilik aktlarında aparılmış dəyişikliklərdən irəli gələn məsələlərin təsnifatda nəzərə alınması ilə bağlı olub.

Maliyyə Nazirliyindən "Ölkə.Az"a verilən xəbərə görə, vahid büdcə təsnifatı ölkədə həyata keçirilən dövlət maliyyə inzibatçılığının və hesabatlılığın gücləndirilməsi, şəffaflığın artırılması, həmçinin büdcə vəsaitlərindən təyinatı üzrə istifadənin tam təmin edilməsinə yönələn islahatların vacib elementlərindən biridir. Qeyd olunub ki, vahid büdcə təsnifatında edilən dəyişikliyə müvafiq olaraq büdcə gəlirlərinin təsnifatında büdcə təşkilatlarının ödənişli xidmətlərdən daxilolmaları daha geniş və əhatəli təsnifləşdirilib, təsnifat kodlarına müvafiq əlavələr edilib. Təsnifatda dəyişikliklər edilərkən beynəlxalq təşkilatların təklifləri də nəzərə alınıb.

"Dövlət və icmal büdcələrinin strukturunda edilən əlavə və yeniliklərə (büdcə qaydasının tətbiqi, “Sosial sığorta haqqında” Azərbaycan Respulikası Qanunundan irəli gələn məsələlər və s.) müvafiq olaraq büdcə xərclərinin funksional təsnifatında bölmələrin sayı 14-dən 12-yə azaldılıb, təsnifatın bəzi xərc bölmələri genişləndirilib, bir sıra köməkçi bölmələrin strukturu dəyişdirilib. Büdcə xərclərinin iqtisadi təsnifatı yenidən işlənilərək bölmələrin sayı 11-dən 10-a azaldılıb. 

«Büdcə sistemi haqqında» Azərbaycan Respublikasının Qanununun tələblərinə müvafiq olaraq 2020-ci il üçün dövlət və icmal büdcələrinin layihələrinin bu təsnifata uyğun tərtib edilməsi məqsədilə onun tətbiqinə 2019-cu ildən başlanılacaq. Vahid büdcə təsnifatının tətbiqi ilə bağlı Azərbaycan Respublikası Maliyyə Nazirliyi tərəfindən dövlət büdcəsindən maliyyələşən və maliyyə yardımı alan təşkilatların, icmal büdcə ilə əhatə olunan qurumların aidiyyəti işçiləri üçün seminar müşavirə və təlimlərin keçirilməsi nəzərdə tutulur. 

Bununla yanaşı, vahid büdcə təsnifatının elektron və kağız daşıyıcılarda dövlət büdcəsindən maliyyələşən və maliyyə yardımı alan təşkilatlara, icmal büdcə ilə əhatə olunan qurumlara, Naxçıvan Muxtar Respublikasının Maliyyə Nazirliyinə və Azərbaycan Respublikası Maliyyə Nazirliyinin rayon (şəhər) üzrə maliyyə orqanlarına göndərilməsi təmin ediləcək".

ŞƏRH YAZ
0

Neftimiz ucuzlaşdı

Neftimiz ucuzlaşdı
11:05
Bu gün
224
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,12 dollar və yaxud 0,15% azalıb.

"Ölkə.Az" xəbər verir ki, "Azeri LT CIF" markalı neftin qiyməti 81,69 dollar/barelə bərabər olub.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

ŞƏRH YAZ
0
BAĞLA