195 kq arıqladı, sevgili tapdı

195 kq arıqladı, sevgili tapdı
00:10
18.09.2019
2334
Dünya
A
Vaşinqtonda yaşayan 55 yaşlı Janin Muller körpəlikdən bəri köklükdən əziyyət çəkib.

“Ölkə.Az” axşam.az-a istinadən bildirir ki, uşaqlar evində böyüyən qadın onu himayəyə götürən ailəyə veriləndə müəllimlər onun pəhrizdə olduğunu söyləmişdilər.

Yeni valideynləri qızı dietoloqa aparsalar da, onun qəbul etdiyi dərmanlar və iştahı çəkisinin gün-gündən artmasına səbəb olmuşdu.

Bir neçə ildən sonra valideynlərini itirən qadın stres və depresiya səbəbilə bir az daha çəki alaraq 300 kq-ı keçmişdi. Adi ehtiyaclarını ödəyə bilməkdə əziyyət çəkən Müller cərraha üz tutur. Mədə kiçiltmə əməliyatı olan Janinin həyatı dəyişir.

195 kiloqram arıqlayan qadın tənhalar klubuna üzv olaraq orada özünə sevgili tapır. Daqo adlı kişi ilə xoşbəxt olduğunu deyən Müller daha bir neçə kiloqram arıqlamaq niyyətindədir.

Ölkə.Az

ŞƏRH YAZ
0

Türkiyə də İranla sərhədi bağladı

Türkiyə də İranla sərhədi bağladı
18:01
Bu gün
902
Dünya
A
Türkiyə koronavirusla əlaqədar İranla sərhəd-keçid məntəqələrini müvəqqəti bağlayıb.

"Ölkə.Az" APA-ya istinadən xəbər verir ki, bunu bu gün Türkiyə Səhiyyə naziri Fəxrəddin Qoca bildirib.

F. Qoсa deyib ki, bu gün yerli vaxtla saat 17.00 etibarı ilə sərhəd-keçid məntəqələri müvəqqəti bağlanıb, İrandan Türkiyəyə avtomobil və qatarların hərəkəti dayandırılıb. Türkiyədən İrana səfərlər isə davam edəcək: "İranla sərhəddə Ağrı-Gürbulaq, Hakkari-Esendere ve Van-Kapıköy sərhəd-keçid məntəqələri, bunudan əlavə İğdırdan Naxçıvan bölgəsinə açılan Dilucu sərhəd-keçid məntəqəsi var".

Səhiyyə naziri nəzərə çatdırıb ki, İran və Türkiyə arasında təyyarə uçuşları isə bu gün saat 20.00-dan dayandırılır və Türkiyə İrandan təyyarə qəbul etməyəcək.

Qeyd edək ki, İranda koronavirusla bağlı ölənlərin sayı 8 nəfərə çatıb.

Türkiyədən başqa, İraq, Pakistan və Türkmənistan da İranla sərhədlərini bağlı elan edib.

Ölkə.Az

ŞƏRH YAZ
0

Qərbi Azərbaycan əyalətindəki zəlzələdə 75 nəfər xəsarət alıb — YENİLƏNİB

Qərbi Azərbaycan əyalətindəki zəlzələdə 75 nəfər xəsarət alıb
17:51
Bu gün
1140
Dünya
A
İranın Qərbi Azərbaycan əyalətində baş vermiş zəlzələ nəticəsində xəsarət alanların sayı artıb.

İranın Qərbi Azərbaycan əyalətində baş vermiş zəlzələ nəticəsində xəsarət alanların sayı 75 nəfərə çatıb.

APA-nın məlumatına görə, bunu Xoy şəhər Təcili Tibbi Yardım Xidmətinin rəhbəri Möctabı Kamari bildirib.

Bundan əvvəl 36 nəfəri xəsarət aldığı açıqlanıb.

***

"Ölkə.Az" APA-ya istinadən bildirir ki,  bunu İran Təcili Tibbi Yardım  Təşkilatının sözçüsü Müctəba Xalidi deyib.

M.Xalidi bildirib ki, Xoy şəhərinin Qətur bölgəsində 5,7 maqnitudalı zəlzələ zamanı 36 nəfər xəsarət alıb.

M. Xalidi deyib ki, zəlzələ yerli vaxtla saat 9:22 radələrində yerin 6 kilometr dərinliyində baş verib. Daha sonra 13 afteşok qeydə alınıb.

İran Təcili Tibbi Yardım Xidmətinin rəhbəri qeyd edib ki,  Xoy şəhərinin 25 kəndində evlərə 20-90 faiz civarında ziyan dəyib, bəzi evlər dağılıb.

ŞƏRH YAZ
0
BAĞLA