2 nəfərin ölümünə səbəb olan polis əməkdaşı həbs edildi

2 nəfərin ölümünə səbəb olan polis əməkdaşı həbs edildi
12:52
14.06.2018
2305
Hadisə
A
İyunun 12-də Binəqədi qəsəbəsi ərazisində naməlum sürücünün idarə etdiyi “Range Rover” markalı avtomobillə Rahib Əliyevin idarə etdiyi “Ford” markalı avtomobil toqquşub. Qəza nəticəsində “Ford”un sürücüsü və sərnişini hadisə yerində ölüb.Şahidlər bildirib ki, hadisədən sonra “Rang Rover”in başından xəsarət alan sürücüsü avtomobilin dövlət qeydiyyat nişanlarını açaraq hadisə yerindən qaçıb.

DİN-in  Mətbuat Xidmətinin rəisi Ehsan Zahidov “Ölkə.Az”a bildirib ki, həmin sürücünün şəxsiyyəti müəyyən edilib və o artıq həbs olunub:

“Doğrudan da ağır hadisədir. Təssüflər olsun ki, nəticədə iki vətəndaşımız dünyasını  dəyişib. Polisin əməliyyat-istintaq qrupu hadisə yerinə çatanda “Range Rover” markalı avtomobilin sürücüsü artıq oranı  tərk etmişdi. Bütün bunlara baxmayaraq, DİN rəhbərliyinin birbaşa nəzarətə götürdüyü bu  hadisə ilə bağlı operativ olaraq peşəkarlıqla həyata keçirilən əməliyyat-axtarış və istintaq tədbirləri uğurla nəticələnib. Məlum oldu ki, qəza baş verən zaman “Range Rover”in sükanı arxasında Abşeron Rayon Polis İdarəsinin əməkdaşı, polis serjantı Xəyal Məmmədov olub. O, dərhal saxlanılıb və məhkəmənin qərarı ilə barəsində həbs qətimkan tədbiri seçilərək  istintaqa təhvil verilib. Hadisə ilə bağlı Binəqədi RPİ-də qaldırılmış cinayət işi bundan sonra davam etdirilməsi üçün rayon prokurorluğuna göndərilib”.

ŞƏRH YAZ
0

Cəlilabadda qadın qonşusu tərəfindən döyülüb

Cəlilabadda qadın qonşusu tərəfindən döyülüb
23:59
16.12.2018
2352
Hadisə
A
Cəlilabad rayonunda döyülmə hadisəsi baş verib.

“Ölkə.Az” “Report”a istinadən xəbər verir ki, hadisə Göytəpə şəhəri ərazsində qeydə alınıb.

Belə ki, Göytəpə şəhər sakini, 1984-cü il təvəllüdlü Abbasova Əfsanə Əliyar qızı mübahisə zəminində qonşusu tərəfindən döyülüb. Yaralı xəstəxanaya yerləşdirilib və ona müvafiq tibbi yardım göstərilib.

Faktla bağlı araşdırma aparılır.

Ölkə.Az

ŞƏRH YAZ
0

Ağcabədidə yol qəzası — Ölən və yaralananlar var

Ağcabədidə yol qəzası
22:51
16.12.2018
2681
Hadisə
A
Ağcabədi rayonunda ölüm və xəsarətlə nəticələnən yol qəzası baş verib.

“Ölkə.Az” “Report”a istinadən xəbər verir ki, hadisə Boyat kəndində qeydə alınıb.

Hərəkətdə olan "VAZ-2106" markalı avtomobil idarəetmədən çıxaraq, əks istiqamətdə hərəkət edən "VAZ-2107" markalı avtomobilə, daha sonra isə qarşı tərəfdə hərəkətdə olan traktorun qoşqusuna çırpılıb. Qəza zamanı "VAZ-2106" markalı avtomobildə olan, şəxsiyyəti hələlik müəyyənləşdirilməyən sərnişin ölüb.

Hadisə nəticəsində daha iki nəfər də xəsarət alıb. Yaralılar ətrafdakı insanlarım köməkliyi ilə Ağcabədi rayon Mərkəzi Xəstəxanasına çatdırılıb.

Faktla bağlı Ağcabədi rayon Polis Şöbəsində araşdırma aparılır.

Ölkə.Az

ŞƏRH YAZ
0
BAĞLA